नियमित उपचार संगै,स्वास्थ्य केन्द्र वरपर सरसफाइ

थाहा नगरपालिका वडा नम्बर ४ मा रहेको पालुङ प्राथमिक स्वास्थ्य केन्द्र परिसर सरसफाई गरिएको छ । १५ भाद्र शुक्रबार कार्यालय परिसरमा सरसफाई गरिएको डाक्टर गगन कार्कीले जानकारी दिए ।

सरसफाई कार्यक्रममा स्वास्थ्य केन्द्रका डाक्टर टिम तथा स्वास्थ्यकर्मीहरुको सहभागिता रहेको थियो । कार्यक्रममा स्वास्थ्य केन्द्रमा ओजेटमिा रहेकाहरुले समेत सघाएका थिए । नियमित उपचार सेवाका साथै स्वास्थ्य केन्द्र परिसर सरसफाई गर्दा सकारात्मक सन्देश पनि जाने र सरसफाई पनि हुने भएकोले यस्तो कार्यक्रम आयोजना गरिएको डाक्टर पवन कार्कीले जानकारी दिए ।

यसअघि पनि विभिन्न गैर सरकारी संघसंस्थासंगको समन्वयमा स्वास्थ्य केन्द्र परिसरमा सरसफाई तथा वृक्षारोपन लगायतका सामाजिक कार्यक्रमहरु हुँदै आएको छ ।
प्राथमिक स्वास्थ्य केन्द्र स्थानीय डाक्टरहरुले सम्हाले पछि स्वास्थ्य केन्द्रको सेवा प्रवाहमा उल्लेख्य सुधारको अनुभूति गरेको उपचारको क्रममा स्वास्थ्य केन्द्र आएकाहरुको भनाइ रहेको छ।
अहिले पालुङ प्राथमिक स्वास्थ्य केन्द्रका डाक्टर हरुले प्रत्येक हप्ता थाहा नगर भित्र रहेका अन्य स्वास्थ्य चौकी हरुमा पुगि बिरामीको स्वास्थ्य चेकजाँच समेत गर्दै आइरहेका छन।
यस बाट टाढा बाट प्राथमिक स्वास्थ्य केन्द्र पालुङ सम्म आउने बिरामिहरुलाई थोरै भएपनी राहत भएको छ।