निःशुल्क शिविरबाट दुई सय त्रीचालीस बाथरोगीहरु लाभान्वित

उत्तरी मकवानपुरको थाहानगरस्थित ओखरबजारमा निशुल्क बाथरोग स्वास्थ्य शिविर सम्पन्न भएको छ ।
सहयोगी बचत तथा ऋण सहकारी संस्था लि. ओखरबजार मकवानपुर र नेशनल बाथरोग सेन्टर काठमाडौंको संयुक्त आयोजनामा बैशाख २ गते निःशुल्क स्वास्थ्य शिविर सम्पन्न भएको हो । शिविरबाट दुई सय त्रिचालिस बाथरोगवाट पीडित विमारीहरु लाभान्वित भएका छन् ।
शिविरमा नेशनल बाथरोग सेन्टरका विशेषज्ञ डा. बिनित बैद्य, डा. सुधिर कर्माचार्य र डा. विवेक के.सी.ले सहभागी विरामीहरुलाई बाथरोगको लक्षण र बच्ने उपाय सम्वन्धी भिडियोग्राफीको माध्यमबाट सहजीकरण गरेका थिए । 
बाथरोगको सही पहिचान गर्ने र समयमा उपचार गर्न जरुरी भएकोले जति सक्दो चाँडो उपचार सुरु गरियो त्यति नै छिटो जोर्नी बचाउन सकिने डा. बिनित बैद्यले जानकारी दिए । बाथको उपचार लक्षण सुरु भएको तीन महिनाबाट एक वर्षभित्र उपचार गरिएमा यसबाट नाकारात्मक असरलाई न्यूनीकरण गर्न सकिने उनले बताए । 
शिविरमा विरामीहरुलाई निःशुल्क औषधि र ल्यावको समेत सुविधा दिएको सहकारीका अध्यक्ष अञ्जल प्रधानले जानकारी दिए  । पछिल्लो समय थाहा नगरमा बाथरोगमा विरामीहरु बढ्दो रुपमा देखिएकोेले सोका लागि निःशुल्क शिविर सञ्चालन गरेको उनले बताए । भविष्यमा समेत सहकारीले यस्ता प्रत्येक्ष जनहित हुने र सामाजिक उत्तरदायित्वका कार्यक्रमहरु सञ्चालन गर्दै जाने प्रधानले बताए । 
शिविरमा विशेषज्ञ डा. विनित बैद्य, डा. सुधिर कर्माचार्य, डा. विवेक के.सी. डा. पवन कार्की लगायतले सेवा प्रदान गरेको कार्यक्रम संयोजक सुरेन्द्र श्रेष्ठले जानकारी दिए । 
शिविरको समापन कार्यक्रम नेशनल बाथरोग सेन्टर काठमाडौ, विशेषज्ञ डाक्टर तथा प्राविधिकहरुलाई कदर पत्रद्वारा सम्मान गरिएको थियो ।