दामनमा ४ सय जनाले लगाय बुस्टर डोज।

थाहा नगरपालिका-४,दामनमा २०७७ भदौमा कोरोना बिरुद्धको दोस्रो मात्राको भेरोसेल खोप लगाएकाहरुले ६ महिना पुरा भएपछि पुनः तेस्रो मात्राको बुस्टर डोज खोप लगाएका छन् । हिजो चैत्र ८ गते दामन स्थित शहरी स्वास्थ्य केन्द्रमा भएको खोप कार्यक्रम अन्तर्गत दामन,सिमभन्ज्याङ,रुप्से,ठूलो माखु,नारायणझ्याउ,फापरबारी,नलिबन,खर्क लगायतका गाउँहरुबाट आएका जम्मा ४०० जना ब्यक्तिहरुले तेस्रो मात्राको बुस्टर डोज खोप लगाएको दामन शहरी स्वास्थ्य केन्द्रका प्रमुख प्रकाश घिमिरेले जानकारी गराए। खोप लगाएका अधिकांस ब्यक्तिहरु विशेष गरि महिलाहरूमा काम ज्वरो  आउने,टाउको दुख्ने,जिउ दुख्ने,वाकवाकी लाग्ने,जिउ आलस्य हुने जस्ता साइड इफेक्ट देखिएको थियो। 
साइड इफेक्टको बारेमा प्रष्ट पार्दै घिमिरेका अनुसार साइड इफेक्ट देखिनु भनेकै भेरोसेल बुस्टर डोज खोपको प्रभावकारिता देखिएको हो र आत्तिनु नपर्ने बताउँछन् तथा  सामान्य असर देखिएकाहरुमा १-२ दिनमा नै साइड इफेक्ट हराउने उनी थप्छन् ।  केही दिनपछि पुनः बुस्टर डोज खोप लगाईने हुँदा खोप लगाउन छुटेकाहरुले अनिवार्य लगाउन पनि अनुरोध गरियको छ।दामनमा भेरोसेलको बुस्टर डोज खोप मात्र लगाईन पाईने र भेरोसेलकै दोस्रो मात्रा , जोनसन र कोभी शिल्ड खोपको सेवा भने पालुङ स्वास्थ्य चौकीमा मात्र उपलब्ध हुने छ