थाहा नगर विपद ब्यवस्थापन कोषमा शिक्षक महासंघको १ लाख सहयोग

असार ३/नेपाल शिक्षक महासंघ थाहा नगर कमिटीद्वारा बिहीबार एक कार्यक्रमका बिच थाहा नगरपालिका बिपद ब्यस्थापन कोषमा जम्मा हुने गरि रु १ लाखको चेक नगर प्रमुख लवशेर बिष्टलाई हस्तान्तरण गरेको छ। महासंघ थाहा नगर कमिटिले यस अघि पनि रु ३ लाख बिपद ब्यवस्थापन कोषमा जम्मा गरिएको थियो।

महासंघ थाहा नगर अध्यक्ष राजाराम  कार्कीको अध्यक्षतामा भएको कार्यक्रममा महासंघ भएको कार्यक्रममा आगामी बर्षको नीति तथा कार्यक्रममा बैकल्पिक शिक्षणको निमित्त नगर भित्रका बिद्यालयहरुलार्इ साधन श्रोत तथा सीप उपलब्ध हुने कार्यक्रम तर्जुमाको लागि अध्यक्ष कार्कीले अनुरोध गर्नुभयो ।

कार्कीले  दीर्घ रोगबाट प्रताडित राष्ट्र सेबक शिक्षक कर्मचारीहरुको लागि  दीर्घ रोगी कोष स्थापनाका साथै शिक्षक तथा बिद्यार्थीहरुको लागि कोरोना बिरुद्धको खोपको लागि आवस्यक पहलको निमित्त अनुरोध गर्नुभयो।  

कार्यक्रममा सचिब गणेशमान श्रेष्ठ सह अध्यक्ष महेन्द्र प्रधान, कार्य समिति सदस्य मनोज रायमाझी ,छमकला बस्नेत,हरिशरण रायमाझी लगायतको उपस्थिति रहेको थियो।

सोही कार्यक्रममा लामो समय देखि क्यान्सर पीडित भै उपचाररत रहनु भएका शिक्षक नवराज अर्याललाई शिघ्र स्वास्थ्य लाभको कामना गर्दै रु ७ हजार को चेक हस्तान्तरण गरिएको थियो ।