थाहा नगरपालिकाको वडा नं ६ मा स्वास्थ्य संस्थामै सुत्केरी गराउने गरी विशेष कार्यक्रम संचालन

 थाहा नगरपालिकाको वडा नं। ६ मा सबै गर्भवति महिलालाई स्वास्थ्य संस्थामै सुत्केरी गराउने गरी विशेष कार्यक्रम संचालन गरिएको छ । १२ वडा रहेको थाहा नगरपालिकामा हाल वडा नं. ६ लाई सून्य होम डेलिभरी अर्थात् घरमै सुत्केरी गराउने महिला कोही पनि नहुनेगरी काम गरिरहेको नगर स्वास्थ्य शाखा प्रमुख मेघराज बलामीले बताउनु भयो ।
दामन एफएमबाट प्रत्येक दिन विहान साँढे ७ बजे प्रशारण हुने र दिउँसो १ बजे पुनः प्रशारण हुने दैनिक रेडियोक कार्यक्रम सवालजवाफमा बोल्दै बलामीले नियमित रुपमा गर्भ जाँच गराउन आउँदा पोषणका लागि १० वटा अण्डा वितरण गरिरहेको जानकारी दिनुभयो । बुहारी र सासुसमेतलाई तालिम, नियमित परामर्श, जटिल अवस्था भएमा काठमाण्डौं लैजान एम्बुलेन्स भाडासहितको कार्यक्रम गरी वडा नं। ६ लाई सून्य होम डेलीभरी वडा घोषणा गर्ने तयरी भइरहेको बलामीको भनाइ छ , 
परिवार स्वास्य महाशाखाको प्रतिनिधिहरुको अनुगमनको आधारमा प्रमाणिकरण गरिने र वडा लाई सून्य होम डेलीभरीको घोषणा गर्ने नगर स्वास्थ्य शाखाको तयारी छ । 
थाहा नगरमा सञ्चालित आमा सुरक्षा कार्यक्रमअन्तर्गत नियमित गर्भवति परीक्षण, स्वास्थ्य संस्थामै सुत्केरी गराउने र शिशुहरुको पोषणमा विशेष ध्यान दिने गरी काम भइरहेको स्वास्थ्य शाखाले जनाएको छ । जिल्ला स्वास्थ्य कार्यालयबाट हुने काम स्थानीय तहमा हस्तान्तरण भए पछि नगरपालिकाले नै योजना बनाएर काम गरिरहेको छ । 
हाल थाहा नगरपालिकामा ९ वठा प्रसुतीकेन्द्रहरु सञ्चालित छन् ।, क्रमशः सबै वडाहरुलाई जिरो होम डेलीभरीको अवस्थामा पु¥याउने नगरपालिकाको लक्ष रहेको छ ।