थाहा नगरको बज्रवाराही स्वास्थ्य चौकी जिल्लाकै सर्वोत्कृष्ट

मकवानपुरको थाहा नगरपालिका–६ को बज्रवाराही स्वास्थ्य चौकी तेस्रो पटक जिल्लाकै सर्वोत्कृष्ट स्वास्थ्य चौकी घोषणा भएको छ ।
न्यूनतम सेवा मापदण्ड (एमएसएस) मा ९९ प्रतिशत अंक हासिल गर्दै वज्रवाराही स्वास्थ्य चौकी जिल्लाकै सर्वोत्कृष्ट स्वास्थ्य चौकी घोषणा भएको हो । यसै गरी हेटौंडा १५ मा रहेको चुरियामाई स्वास्थ्य चौकी, बागमती गाउँपालिका–६ मा रहेको बेतिनी स्वास्थ्य चौकी फापरबारी, बकैया गाउँपालिका–९ मा रहेको शिखरपुर स्वास्थ्य चौकी र मकवानपुरगढी गाउँपालिका–५ मा रहेको आमभन्ज्याङ स्वास्थ्य चौकी उत्कृष्ट हुन सफल भएका छन् ।

भीमफेदी गाउँपालिका–२, भैंसे स्वास्थ्य चौकी, इन्द्रसरोवर गाउँपालिका–३ मा रहेको सिस्नेरी स्वास्थ्य चौकी, कैलाश गाउँपालिका–५ मा रहेको गोगने स्वास्थ्य चौकी, राक्सिराङ गाउँपालिका–२ मा रहेको सरिखेत स्वास्थ्य चौकी र मनहरी गाउँपालिका–३, हाँडीखोला स्वास्थ्य चौकी उत्कृष्ट हुन सफल भएका छन् ।
थाहा नगरपालिका प्रमुख विष्णुबहादुर विष्ट, स्वास्थ्य निर्देशक डा. नरेन्द्रकुमार झा, जनस्वास्थ्य कार्यालय मकवानपुरका प्रमुख कृष्णबहादुर मिजार, जनस्वास्थ्य कार्यालय मकवानपुर कार्यक्रम संयोजक शिखा भुजेलले स्वास्थ्य चौकीस्तरीय न्यूनतम सेवा मापदण्ड पूरा गर्ने सर्वोत्कृष्ट र उत्कृष्ट स्वास्थ्य चौकीलाई प्रशंसापत्र वितरण गरिन् ।