थाहामा २ सय ७२ जनाले लगाए भेरोसेलको पहिले डोज
बाँकी खोप ६० देखि ६१ बर्ष उमेर समूहकालाई लगाउने तयारी

२७ जेठ/थाहा नगरपालिकामा २ सय ७२ जनाले कोरोना भाईरस बिरुद्धको खोप भेरोसिल लगाएका छन् । नेपाल सरकारले निर्धारण गरेको मापदण्ड अनुसार ६२ देखि ६४ बर्ष उमेर समूह अन्तरगत बुधबार र आज बिहीबार गरी २ सय ७२  जनाले खोप लगाएका हुन् । 

थाहा नगरपालिका स्वास्थ्य शाखा प्रमुख मेघराज बलामीका अनुसार बिहीबार प्राथमिक स्वास्थ्य केन्द्र पालुङमा ९ जना महिला १८ जना पुरुष गरी २७ जना, आग्रा स्वास्थ्य चौकीमा १२ जना महिला १३ जना पुरुष गरी २५ जना र देउखेल सहरी स्वास्थ्य केन्द्रमा १२ जना महिला १२ जना पुरुष गरी २४ जना सहित ७६ जनाले खोप लगाएका हुन् ।  
जिल्ला स्वास्थ्य कार्यालय मकवानपुरले थाहा नगरपालिकालाई पठाएको खोपमध्ये बाँकी खोप ६० देखि ६१ बर्ष उमेर समूहकालाई लगाउने तयारी भईरहेको समेत स्वास्थ्य शाखा प्रमुख बलामीले बताउनुभयो ।

यसैबिच देउखेल सहरी स्वास्थ्य केन्द्रमा ४५ जनामा गरिएको एन्टीजेन परीक्षणमा ९ जनामा, आग्रा स्वास्थ्य चौकीमा ३१ जनामा २ जना, प्राथमिक स्वास्थ्य केन्द्र पालुङमा ६ जनामा २ जना गरी १३ जनामा कोरोना संक्रमण देखिएको र ७ जनाको पिसिआर परीक्षणको लागि स्वाब संकलन गरिएकोे प्राथमिक स्वास्थ्य केन्द्रका प्रमुख डाक्टर शक्ति चौरासियाले बताउनुभयो ।