थाहामा नागरिक आरोग्य सेवा केन्द्रले सेवा संचालन गर्ने  

थाहा नगरमा  नागरिक आरोग्य सेवा केन्द्रले सेवा संचालन गर्ने भएको छ । 
थाहा नगरको विकासघरमा कार्यक्रम आयोजान गरि  सोमबार बाट नागरिक आरोग्य सेवा केन्द्रको सेवा शुरु हुने भएको हो । 
आयुर्वेदिक औषधि, योग, ध्यानलगायत क्रियाकलाप प्रति नागरिकको बढ्दो चासोलाई ध्यानमा राखेर थाहा नगरमाा नागरिक आरोग्य सेवा केन्द्र सञ्चालनमा ल्याइन लागिएको नगर प्रमुख लवशेर विष्टले बताउनु भयो ।‘कोरोना महामारीले एक पटक पुनः आयुर्वेद औषधिको सेवन तथा सेवा सुविधा बारे नागरिकमा धेरै उत्सुकता बढाएको बेला कोरोना संक्रमित अधिकांश नागरिकले रोग प्रतिरोधात्मक क्षमता बढाउने आयुर्वेद औषधिको प्रयोग गरेका छन् ।’ 

आयुर्वेदको महत्त्व विगतदेखि वर्तमानसम्म र भविष्यमा पनि उत्तिकै रहने भएकाले नागरिकको माग अनुरूप आरोग्य सेवा केन्द्र स्थापना गर्नुपरेको पनि प्रमुख विष्टले बताउनु भयो ।        

  नागरिक आरोग्य सेवा केन्द्र सञ्चालनमा आएसँगै सर्वसाधारण नागरिकलाई आयुर्वेदिक औषधिको महत्वबारे बुझ्ने र यसको लाभ लिने अवसर जुट्ने भएकाले आरोग्य सेवा केन्द्रलाई सफल रूपमा सञ्चालन गर्न लागिएकाो हो ।