थाहानगरमा व्यावसायीहरुलाई मास्क पञ्जा अनिवार्य
जोखिम न्यूनिकरणकालागि पसल आलोपालो संचालन गरिने

थाहा नगर उद्योग वाणिज्य संघले व्यवसायी तथा उपभोक्ताहरुलाई सुरक्षाका उपाय अपनाएर मात्र व्यापार व्यबसाय तथा कारोबार गर्न आग्रह गरेको छ । थाहा नगर उद्योग बाणिज्य संघका अध्यक्ष कबिराज खत्रीले दामन एफ.एम. को कार्यक्रम सवाल जवाफमा कुरा गर्दै नगरभित्रका सबै व्यापारीलाई अनिवार्य मास्क, सेनिटाईजर, पन्जा लगाई भौतिक दुरी कायम गरेर मात्र व्यपार व्यासय गर्न आग्रह गर्नुभएको हो ।

नगर भित्र यत्र तत्र मास्क नलगाई खुलेआम हिँडडुल भईरहेको देखिएकाले कोरोनाको जोखिम बढेको प्रति चिन्ता व्यक्त गर्दै आम उपभोक्ता तथा सर्वसाधरण पनि चनाखो हुनुपर्ने पनि खत्रीले बताउनु भयो । अध्यक्ष खत्रीले कोरोना महामारीको जोखिम नगरमा पनि बढेकाले संघले आवश्यक्ता हेरेर आलोपालो बजार तथा पसल खोल्ने व्यवस्थाको सुरुवात गर्न पहल कदमी शुरु गरिसकेको र अझ प्रभावकारी रुपमा कार्यान्वयन गर्ने पनि बताउनु भयो ।

थाहानगरको अधिकांश बजार एसियन हाई–वे सँग जोडिएको बजार भएकाले त्रिभुवन राजपथ भएर हिड्ने अत्यावश्यक तथा भन्सार छुटेका सवारी साधनलाई नगर भित्र नरोक्ने तथा सिमभन्ज्याङ्ग मा चेक जाँच गर्ने व्यवस्था गर्न माग गरेको र कार्यान्वयनकालागि आजै नगर प्रमुख लगाएत सरोकारवाला निकाय सँग आवश्यक छलफल गर्ने बनाउनु भयो ।

कोरोनाको जोखिम मानव स्वास्थ्य सँग जोडिएकाले सबैले सचेत भई आफुपनि सुरक्षित भई अत्यावश्यक काममा मात्र घरबाहिर निस्कन र पसल जानुपर्दा अनिवार्य मास्क पञ्जा प्रयोग गरेर भौतिक दुरी कायम गरेर मात्र जान र व्यावसायीलाई पनि सुरक्षाका उपाय अपनाई व्यापार व्यवसाय गर्न आग्रह गर्दै त्यसको अनुगमन उद्योग बाणिज्य संघले गर्ने पनि बताउनु भयो ।