थाहाको विभिन्न स्थानमा दामन चेली द्वारा लागू औषध विरुद्ध सडक नाटक प्रदर्शन,

थाहा नगरपालिकामा रहेको दामन चेली समाजको आयोजना तथा  समुदायिक प्रहरीको सहकार्य र सामाजिक विकास शाखा थाहा नगरको आर्थिक सहयोगमा थाहा नगरमा लागू औषध विरुद्ध  सडक नाटकको आयोजना गरियो ।
 लागू औषध विरुद्ध घर परिवार सक्रिय हुनुपर्ने, यसमा प्रहरीको साथ लिन सकिने सन्देश प्रवाह हुने नाटक देखाइएको थियो । नाटक हेर्न युवायुवतीहरुसंगै विभिन्न महिला समूहको विशेष सहभागिता रहेको थियो
पछिल्लो पटक थाहा नगरपालिकाको  विभिन्न स्थानमा लागू औषध सेवनकर्ताहरु भेटिएको र तिनिहरु मध्येबाटै लागू औषधको कारोबार गर्नेहरुलाई नियन्त्रणमा लिइएको अवस्थामा दामन चेलीले  सामुदायिक प्रहरी र थाहा नगरपालिका संग मिलेर लागू औषध दुव्र्यसन विरुद्धको अभियान शुरुआत गरिएको हो । दामन चेली समाजका अध्यक्ष राधिका रायमाझीको संयोजनमा भएको सडक नाटककमा  कलाकार हरुले घर्तिखोला,शिखरकोट,इन्द्रायणी बस्ती,पालुङ महादेवथान,किटेनीमा कार्यक्रम सडक नाटक प्रस्तुत गरेका थिए।
 मनोरञ्जनसंगै सडक नाटकले उपयोगी सन्देश प्रवाह गरेको धारणा जनप्रतिनिधि हरुको रहेको छ। आफ्ना सन्तानहरु कुलतमा फस्न सक्ने, फसेमा प्रहरीसंग आवश्यक समन्वय गरेर सुधार गृहमा लग्ने र लागू औषध कारोबार विरुद्ध समुदायको भूमिका महत्व हुने सडक नाटकमा देखाइएको थियो।