थाहाको वडा नम्बर २,३ र ४ पनि पुर्ण संस्थागत सुत्केरी वडा घोषँणा,

घरमै सुत्केरी हुने दरलाई शून्यमा परिणत गराउन थाहा नगरपालिकाले पूर्ण संस्थागत सुत्केरी घोषणा अभियान कार्यक्रमलाई तीव्रता दिएको छ ।

मकवानपुर थाहा नगरपालिका वडा नंम्बर २,३ र ४  पूर्ण संस्थागत सुत्केरी वडा घोषणा भएको छ । थाहा नगरपालिकाको वडा नम्बर २,३,४ पूर्ण संस्थागत सुत्केरी वडा घोषणा हुनेमा नगरको तेश्रो वडा हो ।
यसअघि थाहा नगरपालिकाको वडा नम्बर ६ पुर्ण संस्थागत सुत्केरी घोषणा भइसकेको भने ९ र १० गत बैशाख २७ गते  पुर्ण संस्थागत वडा घोषणा भैसकेको छ ।

 थाहा नगरपालिकामा रहेको जेसिज हलमा  एक समारोहको आयोजना गरी २२  जेष्ठमा थाहा  नगरपालिकाका  मेयर बिष्णु विष्टले प्राथमिक  स्वास्थ्य केन्द्र दोबाटो,पालुङ स्वास्थ्य चौकी र दामन सहरी स्वास्थ्य केन्द्रलाई  प्रमाणपत्र प्रदान गरि पूर्ण संस्थागत सुत्केरी वडा घोषणा गरेका हुन।

पूर्ण संस्थागत सुत्केरी वडा घोषणा कार्यक्रममा बोल्नुहुदै नगर प्रमुख बिष्णु बिष्टले बिषम परिस्थितिमा पनि अहोरात्र खटेर नागरिकको लागि काम गर्ने स्वास्थ्यकर्मीलाई धन्यवाद दिदै पुर्ण संस्थागत सुत्केरी घोषणा हुदै गर्दा अवसर संगै चुनौती थपिएको बताउनुभएको छ । 
वहाँले स्वास्थ्यलाई प्राथमिकता दिएर नगरले काम गरिरहेको बताउनुभयो साथै नगर प्रमुख बिष्टले नगरलाई पुर्ण संस्थागत सुत्केरी नगरका रुपमा परिचित बनाउन अभियान संचालन गरिएको बताउदै उहाँले २०७६ मा वडा नम्बर ६ लाई र गएको बैशाख २७ गते पुर्ण संस्थागत सुत्केरी वडा घोषणा गरिएको उल्लेख गर्दै यो अभियानलाई तीब्रता दिने जानकारी दिनुभयो ।

प्रमुख प्रशासकीय अधिकृत कृष्ण गिरीले नगरवासीलाई आधारभुत स्वास्थ्य सेवा प्रदान गर्न नगरपालिका प्रतिबद्ध रहेको उल्लेख गर्दै उहाँले सबै स्वास्थ स्वयंसेविकाको र स्वास्थ्यकर्मीको भुमिका उल्लेख्य रहेको बताउनुभयो ।

वडा न ४ का वडा अध्यक्ष तथा प्राथमिक स्वास्थ्य केन्द्र् पालुङको अध्यक्ष नारायण लामाको सभापतित्वमा सम्पन्न पुर्ण संस्थागत सुत्केरी वडा घोषणा कार्यक्रममा प्रमुख अतिथि नगर प्रमुख बिष्णु बिष्ट बिशिस्ट अतिथी नगर उपप्रमुख भरत गोपाली,प्रमुख प्रशासकीय अधिकृत कृष्ण गिरी,जिल्ला जनस्वास्थ्य कार्यालय मकवानपुरका जनस्वास्थ्य निरीक्षक बासुदेव रिमाल,वडा न ३ का हिरेन्द्र कुमार रायमाझी ,कृषि शाखा प्रमुख संजय तिवारी,नेपाली काङ्ग्रेसका नगर सभापति प्रमोद कृष्ण जोशी,नेकपा एमाले नगर सचिब रामकृष्ण बस्नेत,थाहा नगर सामाजिक बिकास शाखा प्रमुख अनिल लामिछाने,स्वास्थ्य शाखा प्रमुख मेघराज बलामी  ,प्राथमिक स्वास्थ्य केन्द्रका प्रमुख  डाक्टर शक्ति चौरासिया ,२,३,४ वडाका महिला स्वास्थ स्वयंसेविकाहरु,आमा समुहका सदस्यहरु,राजनैतिक दलका प्रतिनिधिहरु,नगर भित्र रहेका स्वास्थ्य चौकी प्रमुखहरु,जनप्रतिनिधि हरु,लगायतका उपस्थिति रहेको थियो।

थाहा नगरपालिकाले नगरका सबै सुत्केरी हुने महिलालाई स्वास्थ्य संस्थामा प्रसुती गराउनु पर्ने लक्ष्य लिए अनुरुप २,३र ४ नम्बर वडामा पूर्ण कार्यान्वयन भएपछि घोषणा गरिएको हो ।

बालमैत्री शासन युक्त  थाहानगर घोषणाको तयारी सहित आज बाट एक आधार थप भएको नगरपालिकाको भनाइ रहेको छ। 

कार्यक्रममा तीन वटा वडालाई पुर्ण संस्थागत सुत्केरी वडा घोषणा कार्यक्रममा सहयोग पुर्यायको तीन वटा स्वास्थ्य संस्था र ७ जना स्वास्थ्यकर्मी हरुलाई कदरपत्र सहित सम्मान गरियो।

सम्नानित हुनेमा प्राथमिक स्वास्थ्य केन्द्रमा कार्यरत सिअनमी इनिलकुमारी राई ,अनमी संजिता मोक्तान ,अनमी आरती वर्तौला,अनमी कमला अधिकारी तथा पालुङ स्वास्थ्य चौकीका सिअनमी सुशीला श्रेष्ठ ,सिअनमी दुर्गा ढकाल र दामन सहरी स्वास्थ्य केन्द्रका अनमी मनिता घिमिरेलाई कदरपत्र सहित सम्मान गरियो।