थाहाको तीन स्थानमा शारीरिक अपांगतता चेकजाँच घुम्ती स्वास्थ शिविर सम्पन्न ।

थाहा नगरपालिकाको आर्थिक सहयोग तथा विकलाङ्ग मित्र समूह तथा अपांग बाल अस्पताल तथा पुनर्स्थापना केन्द्र HRDC बनेपा काभ्रेको आयोजनामा र अपांग सरोकार केन्द्र थाहा नगरको सम्योजनमा थाहा नगरपालिकाका तीन स्थानमा शारीरिक अपांगतता चेकजाँच घुम्ती स्वास्थ  शिविर सञ्चालन गरियको छ।

शिविरमा १८ वर्ष भन्दामुनीका अपाङ्गता भएका  बालबालिका सहित अपांगतता भएका १ सय २१ जनाले  सेवा लियका छन।
शिविरमा जन्मजात वा पछि खुट्टाको पैतला भित्र÷बाहिर फर्केको, खुट्टालुलो र कमजोर भएको हाड जोर्नी  तथा नसा रोग लगायतका रोगहरुको परिक्षण गरिएको शिविरका व्यवस्थापक अपांग बाल अस्पतालका रुद्र सापकोटाले जानकारी दिए ।

शिविरमा कृत्रिम अङ्ग र सहायक उपकरणहरुको आवश्यकता भएकाहरुलाइ निशुल्क उपकरण बितरण गरिएको थियो । 
नगरको वडा न ११ र १२ को लागि टिस्टुङ स्वास्थ्य चौकिमा असार ४ गते वडा न ९ र १० र ६ को लागि चित्लाङ स्वास्थ्य चौकिमा ५ गते र बाकी वडाको लागि असार ६ गते प्राथमिक स्वास्थ्य केन्द्र दोबाटोमा शिविर संचालन भएको थियो।
१२१ जनाको अपांग स्वास्थ्य परिक्षण गरिएको शिविरमा सहायक सामाग्री १६ जना लाई वितरण गरियको थियो भने १२ जना लाई अस्पताल भर्नाको लागि सिफारिस गरिएको छ साथै २० जना बालबालिका लाई लामो समयको उपचार गर्नुपर्ने भएकोले अस्पताल डाकियको र २ जनाको कृतिम खुट्टा नाप गरि २ जनाको खुट्टा तयार भैसकेको ले लिनको लागि चेकजाँच सहित अस्पताल बोलाएको शिविर व्यवस्थापक रुद्र सापकोटाले जानकारी दिए।
तीन दिने शिविर समापन कार्यक्रममा थाहा नगरपालिकाको महिला,बालबालिका ,जेष्ठ नागरिक तथा अपांग परिचय वितरण शाखा प्रमुख प्रतिमा मोक्तान ,सामाजिक विकास शाखा प्रमुख अनिल लामिछाने ,सामाजिक विकास समिती सदस्य पवित्रा सिंह ठकुरी,अपांग सरोकार केन्द्र थाहाका अध्यक्ष मनलाल गोपाली,पत्रकार शम्भु अधिकारीको उपस्थिति रहेको थियो।