चित्लाङमा स्वास्थ्य चौकिको शिलान्यास

मकवानपुर थाहा नगरपालिकाको वडा नम्बर ९ चित्लाङमा स्वास्थ्य चौकिको शिलान्यास गरिएको छ । चौध कोठेभवनको नगर प्रमुख बिष्णु बिष्ट र उपप्रमुख भरत गोपालीले गर्नु भएको हो । च्वाइस नेपाल र थाहा नगरपालिकाको आर्थिक सहयोगमा उक्त चौध कोठाको भवन निर्माण हुदै छ । कार्यक्रमका प्रमुख अतिथि नगर प्रमुख बिष्णु बिष्टले नागरिकलाई स्वास्थ्य सेवा दिने उदेश्यले आधारभूत स्वास्थ्य केन्द्रको निर्माणमाका लागि शिलान्यास गरिएको बताउनु भयो ।

सामान्य विरामी हुदा पनि घर नजिकैको स्वास्थ्य केन्द्र बाट सेवा लिन आग्रह गर्नु भएको छ । नगरिकका दुःख सुखमा साथ दिने गाउँको सरकार भएकाले हामी लाई सम्झन नागरिकलाई आग्रह गर्नु भएको छ। प्रमुख बिष्टले स्वास्थ्य चौकी भवनको निर्माणले यस क्षेत्रका नागरिकले प्रभावकारी स्वास्थ्य सेवा प्राप्त गर्ने भन्दै समयमै गुणस्तरिय ढंगले निर्माण कार्य अगाढी बढाउन आग्रह गर्नुभयो । कार्यक्रममा सहयोगी दाता च्वाइस नेपालका क्रन्टी डाइरेक्टर प्रतीक शर्माले स्वास्थ्य क्षेत्रको पुर्वाधार विकास गर्ने उद्देश्य रहेको बताउदै निर्माण कार्य सम्पन्न भएपछि पनि च्वाइसले अस्पतालमै सुत्केरी ,सवैलाई स्वास्थ्य सेवा ,आकस्मिक सेवा,प्राविधिक लाई तालिम,तथा दक्ष जनशक्ति उत्पादन गरि सेवा प्रदान गरिने बताउदै नमुना काम गरी गुणस्तरीय काममा ध्यान दिन निर्माण समिती लाई आग्रह गर्नुभयो।

 २ करोड १० लाख बजेट रहेको योजनामा च्वाइस नेपालले १ करोड ५० लाख तथा थाहा नगरपालिकाको ५० लाख सहित च्वाइसको प्राविधिक सहयोग रहने र डेढ बर्षमा निर्माण पूरा गर्ने लक्ष रहेको च्वाइसका प्रताप घिमिरेले बताए। स्वास्थ्य चौकी निर्माण समितिका अध्यक्ष राजिव नापितको अध्यक्षतामा सम्पन्न शिलान्यास कार्यक्रममा थाहा नगरपालिकाका उपप्रमुख भरत गोपाली,९ न वडा अध्यक्ष राजकुमार बलामी ,राजनैतिक दलका प्रतिनिधिहरु,स्थानियको उपस्थिति रहेको थियो।