दुई दिनअघि हेटौंडा निबासी दिपेन्द्र थापाले आफ्नो फेसबुकमा लेख्नुभयो, ‘बिगत ७ दिन देखि मेरो सम्पर्कमा रहनुहुने सम्पूर्ण व्यक्ति सुरक्षित हुनुहोला । मेरो corona रिपोर्ट positive देखिएको छ । म अहिले कुशल छु ।’
प्रशासनले यसैबीच ग्लोबल आएमई बैंकको हेटौडा शाखा सिल ग¥यो । शाखामा कार्यरत एकजनामा कोरोना संक्रमण पुष्टि भएको भन्दै प्रशासनले सिल गरेको थियो ।
प्रशासनले ग्लोबल आईएमई बैकको हेटौडा शाखा सिल गर्नु र त्यही शाखाका व्यवस्थापक थापाले फेसबुकमा आफूलाई कोरोना भएको सार्वजनिक गर्नुले अहिले थाहा नगरपालिका पनि तरंगित भएको छ । शाखा प्रमुख थापा गत साउन २३ गते शुक्रबार थाहानगर आउनु भएको थियो । त्यही दिन हेटौँडा फर्किनुभएका उहाँलाई घरमा पुगेपछि ज्वरो आयो । भोलिपल्ट परीक्षण गराउँदा कोरोना देखियो ।
थाहापाटीलाई प्राप्त जानकारी अनुसार शाखा प्रमुख थापा एउटा स्कोरपियो गाडी चढेर थाहानगरका एकजना राजनीतिकर्मीसँग पालुङ आउनु भएको थियो । गाडीको अगाडि सिटमा राजनीतिकर्मी र पछाडि थापा बस्नु भएको थियो । उहाँसँगै बैंकका एकजना भ्यालुएटर(जग्गा मूल्याङ्कन परामर्शकर्ता) पनि थिए । उहाँहरु सिधै थाहा–२ को महादेबथान जानुभयो । त्यहाँ केहीबेर बसेपछि खाना खान थाहा–३ को एक होटलमा जानुभयो । होटलमा थाहानगरका अरु ३ जनासँग भेट भयो । खाना पछि थापा र भ्यालुएटर होटलमै भेटिएका थाहानगर बज्रवाराहीका एक जनासँग स्कोरपियो चढेर बज्रवाराही गए । राजनीतिकर्मीचाहिँ होटलमै भेटिएका अर्काे एकजनाको गाडीमा थाहा नगरपालिका पुग्नुभयो । नगरपालिकामा उहाँ राजश्व शाखामा छिर्नुभयो । नगरप्रमुखको कार्यकक्षमा बसेर नगर प्रमुख र केही वडाअध्यक्षसँग बसेर ‘ग्रिन टी’ पिउनु भयो ।
त्यसपछि बज्रवाराही टोली र नगरपालिका जाने टोलीको भेट शिखरकोटमा भयो । केहीबेर पछि उनीहरुले थाहा ४ मा रहेको एक होटलमा खाजा खाए । खाजापछि बैंकका शाखाप्रमुख थापासहितको टोली हेटौंडा फर्कियो ।
कोरोना पुष्टि भएपछि अहिले थापा होम आइसोलेसनमा रहनु भएको छ । आफ्नो स्वास्थ्य अवस्था सामान्य रहेको उहाँले बताउनुभएको छ ।
थापाको सम्पर्कमा आएका थाहा नगरका व्यक्तिहरुहरुमा कुनै लक्षण नदेखिएको उनीहरुले बताएका छन् । तर पिसिआर टेस्ट गरिएको छैन । थापा थाहा नगर आउनु भएको आज आइतबार १० औं दिन हो ।
थाहापाटी थाहा नगरबाट प्रकाशन भईरहेको अनलाईन पोर्टल हो । तपाई सँग समाचार,विचार लगाएतका प्रकाशन सामाग्रीका सुचना, सुझाब र विज्ञापन छन भने सम्पर्क गर्नु होला । –सम्पादक
मकवानपुरको थाहा नगरपालिका–२ अंगारेका युवा समाजसेवी माधव कार्कीले थाहाका विभिन्न मठमन्दिरको संरक्षण,...
नेपाली कांग्रेस थाहा नगर समितिले दसैँ, तिहार, नेपाल संवत् ११४७ तथा छठ पर्वको अवसरमा शुभकामना आदान–प्रदान तथा...
थाहा । मकवानपुरको थाहा नगरपालिका–२, अंगारेका युवा समाजसेवी माधव कार्कीले पालुङस्थित इन्द्रायणी मन्दिरमा...
दामन। मकवानपुरको थाहा नगरपालिका–दामनस्थित पर्वतीय वनस्पति उद्यानमा वनस्पति खेतीसम्बन्धी प्राविधिक...
थाहा । महांकाल युवा क्लब थाहा–११ को आयोजनामा विजयादशमीको अवसरमा नगरस्तरीय खुला ९ ए साइड फुटबल प्रतियोगिता...
भदौ १० गते भोटेकोशीमा आएको विनाशकारी बाढीमा अभिभावक गुमाएका पालिकाभित्रका बालबालिकाको पठनपाठनको जिम्मा थाहा...
मकवानपुर । मकवानपुरको थाहा नगरपालिका–१ मा अरिङ्गाल पोल्ने क्रममा रुखबाट खसेर घाइते भएका एक युवकको उपचारका...
थाहा। पालुङ क्याम्पसको आयोजनामा स्नातक चौथो वर्ष उत्तीर्ण विद्यार्थीहरूको सम्मान, नयाँ विद्यार्थीहरूको...
थाहा–६, बज्रबाराही बुढीचौरमा रहेको उदय आधारभूत विद्यालयले स्थापनाको ५० वर्ष पूरा गरेको अवसरमा गौरवमय स्वर्ण...
