गोपाली गाउँमा १ सय ५० घर धुरीलाई डस्विन बितरण

—    शम्भु अधिकारी, थाहा नगरपालिका
०१ असोज, २०७५
   थाहा नगरपालिका वडा नम्बर ३ गोपाली गाउँको सेती गणेश टोल सुधार तथा बजार ब्यबस्थापन समितीको आयोजनामा १ सय ५० घर धुरीलाई डस्विन बितरण गरिएको छ ।
    ब्यवस्थापन समितिकी अध्यक्ष सकुन्तला गोपालीको सभापतित्वमा भएको कार्यक्रममा थाहा नगर पालिकाका उपप्रमुख खड्गबहादुर गोपालिको प्रमुख आतिथ्यता रहेको थियो ।
    घरायसी पÞmोहोर लाई ब्यबस्थापन गर्न को निम्ति समितिले डस्बिन बितरण गरेको हो । कार्यक्रममा वडा अध्यक्ष तथा टोल सुधार समितिका संरक्षक राजेस केसिले टोल सरसफाईमा सबै टोलबासिको भुमिका हुने भएकोले नगरको सरसफाई योजनामा साथ दिन अनुरोध गर्नु भयो साथै उहाँले सरसफाई कार्ड नभए नगर पालिका र वडा कार्यालयबाट दिइने सेबा सुबिधाबाट बन्चित गरिने बताउनु भयो ।

    हाल टोल सुधार समिती ले उठाइएको शुल्क बाट फोहोर ब्यबस्थापन का साथै  बजार ब्यबस्थापन को कार्यमा समेत खर्च गरिरहेको र छिटो सडक बत्ती जडान गरिने अध्यक्ष सकुन्तला गोपाली ले बताउनु भयो । साथै हाल टोल टोलमा टस्विन, ढुङ्गेधारा मर्मत, डबली मर्मत लगायतको कार्य भएपछि गाउँमा सरसफाई प्रति ध्यान दिन थालेको अध्यक्ष गोपालीले वताउनु भयो । 
   स्थानियहरुको उल्लेख्य सहभागिता रहेको कार्यक्रममा गोपालि गाउँमा रहेको पुरात्वात्तिक धाराको जिर्णोद्वारका लागि सहयोग गरेकोले थाहा ३ डाडागाउका शम्भु बिस्ट लाई सम्मानीत गरिएको थियो ।

कार्यक्रममा वडा नम्बर ११ का अध्यक्ष किरण मान बल, थाहा नगर बाताबरण साखाका प्रमुख अनिल लामिछाने, वडा सदस्य सबिता सुनुवारको आतिथ्यतामा बितरण गरिएको हो । 
   थाहा नगर पालिकाको वाताबरण शाखाको कार्यक्रम अन्तर्गत थाहा नगरमा अहिले विभिन्न टोलहरुमा टोल सुधार तथा बजार ब्यवस्थापन समिति गठनका साथै कामहरु भैरहेको छ ।