थाहानगरमा कोभिड-१९ खोपका लागि खोपकेन्द्रहरूबाटै अनलाइन फारम भर्न सकिने

 कोभिड- १९ खोपका लागि अनलाइन फारम भर्नु पर्ने भएको छ । कोभिड-१९ रोगको रोगथाम र नियन्त्रणका लागि खोप अभियानहरुमा धेरै भिडभाड हुने कारणबाट संक्रमणको जोखिम उच्च हुने भएकोले जोखिम कम गर्न तथा अभिलेख प्रतिवेदन राख्न समेत सहज बनाउन अनलाइन इन्ट्री व्यवस्था गरिएको हो।

यसैबिच थाहा नगरपालिका कोभिड-१९ को खोपका लागि अनलाइन फारम भर्न इन्टरनेटको पहुँचमा नभएका र अनलाईन फारम भर्न नसक्ने व्यक्तिहरुका लागि खोपकेन्द्रहरुमा स्वास्थ्य स्वयंम सेविकाहरुबाट अनलाईन फारम भर्ने व्यवस्था मिलाइने थाहा नगरपालिका स्वास्थ्य शाखा प्रमुख मेघराज बलामीले बताउनु भयो ।फारम भर्नको लागि आफ्नो नागरिक्ता र फोन नम्बर आवश्यक पर्ने शाखा प्रमुख बलामीले जानकारी दिनुभयो ।थाहा नगरपालिकामा हाल सम्म ६ हजार ४ सय १३ जनाले खोप लगाएका छन् ।

खोप अभियान सञ्चालनमा सेवाग्राहीहरुलाई सहजता र सुरक्षित तवरले खोप उपलब्ध गराउन समेत खोप लिने व्यक्तीहरुको अग्रिम विधुतीय विवरणमा प्रविष्ट गर्नु पर्नेछ । । विधुतीय विवरणमा प्रविष्टि नभएमा खोप उपलब्ध गर्न कठिनाई हुने हुदा खोप लिन बाँकीहरुले अनलाइन इन्ट्रीबाट फारम भर्नु पर्ने भएकाे हाे। अनलाइन इन्ट्री गर्न www.vaccine.mohp.gov.np  मा लग अन गरि आवश्यक व्यक्तिगत विवरण प्रविष्टि गर्न सकिनेछ ।