आँखा लाई माया गरौं- भन्दै थाहामा विश्व दृष्टि दिवस मनाइयो ।

आज अक्टोवर १३ तारिख अर्थात विश्व दृष्टि दिवस । आँखा लाई माया गरौ भन्ने विश्वभर चेतना फैलाउने उद्देश्यले आज विश्वभर यो दिवस मनाइयो । नेपालमा पनि ‘आँखा लाई माया गरौं- विश्व दृष्टि दिवस मनाआैं’ भन्ने नाराका यो दिवस मनाइयो । विश्व स्वास्थ्य संगठन र आईर्एपीवीले संयुक्त रुपमा विश्वबाट हटाउन सकिने अन्धोपनलाई सन् २०२० सम्ममा न्युनिकरण गर्न सन् १९९९ फेबुअरीमा भिजन २०२०ः राइट टु साइटको घोषणा गरी आँखा स्वास्थ्य सेवामा गुणस्तरीय सेवा, समतामूलक वितरण, एकीकृत स्वास्थ्य सेवालाई जोड दिँदै प्रत्येक वर्ष अक्टोवर महिनाको दोस्रो विहिबारलाई विश्व दृष्टि दिवसको रुपमा मनाउदै आएको छ । दिवसमा विश्वभरिका विभिन्न संघ-संस्थाले सरकार, संस्था र व्यक्तिलाई विश्वव्यापी रुपमा आँखा लाई माया गर्न प्रोत्साहित गरेको छ । विगत तीन दशकदेखि नेपालको आँखा स्वास्थ्य सेवामा गैरसरकारी संस्थाहरुको सहभागिताले यस क्षेत्रको प्रगती तुलनात्मक रुपमा अग्रिम पंक्तिमा छ । यद्यपि, प्राथमिक आँखा उपचार सेवालाई ग्रामीण समुदायसम्म अझ प्रभावकारी बनाउन जिल्लामा आँखा स्वास्थ्य सेवा कार्यक्रमसँग सम्बन्धित सबै सरोकारवालाबीच समन्वय गराउँदै एकीकृत स्वास्थ्य सेवा प्रणालीमा जोड दिनु विश्व दृष्टि दिवसको पहिलो प्राथमिकता हो । विश्व दृष्टि दिवसकै अवसरमा तिलगंगा आँखा प्रतिष्ठान,अन्तर्गत रहेको सामुदायिक आँखा केन्द्र थाहा नगरपालिकाले पनि एक कार्यक्रमको आयोजना गरेको छ । साथै, आँखा उपचार सम्बन्धी जनचेतना जगाउने उद्देश्यका साथ आँखा केन्द्र परिसरमा अन्तरक्रिया कार्यक्रम र्मार्फत स्थानीय सरकारी तथा गैरसरकारी निकायका प्रतिनिधि, व्यवसायी, संघसस्थाका प्रतिनिधि, सर्वसाधारण तथा विरामीको उपस्थितिमा आँखा स्वास्थ्य सेवाको आवश्यकता तथा महत्ववारे जानकारी गराइयो । कार्यक्रममा थाहा नगरपालिकाका प्रमुख बिष्णु बिष्ट ,वडा न ३ का अध्यक्ष हिरेन्द्र रायमाझी ,अस्पताल निर्माण समितिका सचिव शकुन्तला गोपाली,कोषाध्यक्ष विमल कुमार ढकाल ,आँखा केन्द्रकी इन्चार्ज विनि महर्जन लगायतका उपस्तिथि रहेको थियो।