अपाङ्ग बाल अस्पतालको थाहामा स्वास्थ्य शिविर सम्पन्न

थाहा नगरपालिकाको समन्वय तथा अपाङ्ग वाल अस्पताल वनेपाको संयुक्त आयोजनामा २९ माघमा एक दिने नि शूल्क शारीरिक अपाङ्गता परिक्षण घुम्ती शिविर संचालन भएको छ । १८ वर्षसम्मका शारीरिक अपाङता भएका बालबालिकाहरुको स्वाथ्य परीक्षण एवं अपाङता पहिचान लागि स्वाथ्य तथा पुनर्स्थापना घुम्ती शिविरको आयोजना गरिएको हो ।

थाहा नगरपालिका ४ स्थित प्राथमिक स्वास्थ्य केन्द्र दोबाटोमा शिविर संचालन भएको शिविरलाई थाहा नगर उपप्रमुख भरत गोपालीले शुभारम्भ गर्नुभएको थियो । शिविरमा थाहा नगरपालिकाका ४० जना अपाङ भएकाहरुलाई उपचार तथा शाहायक सामाग्रि वितरण तथा निशुल्क औषधि तथा स्वास्थ्य उपचार गरिएको शिविर कार्यक्रम संयोजक रुद्र सापकोटाले जानकारी दिनुभयो ।

शिविरमा ४० जनाको स्वास्थ्य चेकजाँचका साथै ५ जनालाई सहायता सामाग्री बैसाखी ,१ जनालाई वाकर,३ जनाको लागि कृतिम अंगको लागि नाप ,२ जनालाई अस्पताल भर्नाको लागि भनियको तथा २ जनालाई परामर्श र २ जनाको लागि अप्रेसन गर्न अस्पताल डाकियको अपाङ्ग बाल अस्पतालका डाक्टर निश्चल घिमिरेले जानकारी दिनुभयो। अपाङ्ग बाल अस्पतालले मकवानपुरको बागमती गाउँपालिका,बकैया र भिमफेदी गाउँपालिकामा शिविर सम्पन्न गरिसकेको कार्यक्रम संयोजक रुद्र सापकोटाले बताए।