सिङ्गो बलामी समूह कपुगाउँको साथ उमेद्वार लवशेर बिष्टलाई

आसन्न प्रतिनिधि सभा सदस्य निर्वाचनको मिति नजिकिदै गर्दा चुनावी सरगर्मी बढ्न थालेकोछ । उमेदवारहरुलाई मतदाता भेटघाट र भोट आफ्नो पक्षमा पार्न यथा सक्य प्रयास गरिरहेकाछन् । 

उमेद्वारी दर्ता गरेकाहरुको सक्रियता चल्दै गर्दा नेकपा (  नेपाली कम्युनिष्ट पार्टी ) तारा चिन्हबाट उम्मेद्बारी दिएका पुर्व सफल मेयर लवशेर बिष्टले पनि आफ्नो सक्रियतालाई बढाएकाछन्। चुनावी अभियान अन्तर्गत थाहा ९ नम्बर कपुगाउँका बलामी समुहले उमेदवार बिष्टलाई समर्थन गर्ने निधो गरेको समुहका अध्यक्ष श्रवन बलामीले जानकारी दिनुभयो । साथै भेटघाट कार्यक्रममा उपस्थित बलामी समूहले  मकवानपुर २ तर्फ उठेका उमेदवार मध्ये उत्कृष्ट र ईमान्दार पात्र भएकोले हामिले सहयोग गर्न लागिएको बताउनुभयो ।

यस्तै समूहको उपाध्यक्ष राजाराम बलामीले बिष्टलाई बिकास प्रेमी नेता भएकै कारण साथ दिन लागिएको बताउनुभयो । साथै बलामीले जितिसकेपछी पार्टीको कुरामा मात्रै हैन जनताको समस्याको आवाज सदनमा बुलन्द रुपमा उठाउनको लागि  बलामी समूहको भोट रहेको बुझ्नुपर्ने समेत उमेदवारलाई सुझाईएको थियो । बिगदमा जिताएर पठाईएको पात्रले जनता बिरोधी र के सहि  के गलत नसोचिकन सदनमा टेवल ठोक्नलाई मात्रै ठिक्क रहेकोले त्यही प्रबृत्ति नदोहोर्‍याउन समेत आग्रह गरे ।

चुनावी प्रतिस्पर्धामा उत्रिएका बिष्टले जनताको पक्षमा काम गर्ने र चुनाव हारेपनी जिते पनि जनताकै काममा काम गरिरहने प्रतिबद्धता ब्यक्त गरेका थिए ।