संविधानको अन्त्य हुने खतरा रहेकोले सजग हुन  कांग्रेस नेत्रि डिनाको आग्रह ( फाेटाे फिचर सिहत )

नेपाली कांग्रेसकी नेतृ महालक्ष्मी उपाध्याय (डिना) ले सरकारको कदम अलोकतान्त्रिक र असंबैधानिक भएकोले यो सरकार जनविरोधी भएको बताउनु भएको छ  । 
नेपाली कांग्रेस मकवानपुर क्षेत्र नं. २ ले सोमबार थाहा नगरमा सरकारको संसद विघटनको विरोधमा गरेको प्रदर्शनका क्रममा आयोजित सभामा बोल्दै नेत्री उपाध्यायले ओली सरकार भ्रष्टचारमा लिप्त भएको र हत्या,हिंसा बलत्कार लगाएतका घटनालाई बढावा दिएर अलोकप्रिय भएको आरोप लगाउनु भयो । 
जनतालाई रोजगारी दिन नसकेर विदेश पलाएन गराउनेले  जहाज र ग्याँसकोे फुँईया लगाएको भन्दै ओली सरकार संविधान विरोधी काम गर्दै हिडेकाले ईतिहाँसकै कलंकित र भ्रष्ट भएको आरोप लगाउनु भयो । 
कार्यक्रममा कांग्रेस महा समिति सदस्य जयराम लामिछानेले सरको कदम जनविरोधी रहेको आरोप लगाउनु भयो । 
कांग्रेस नेता तथा जिल्ला सचिव बुद्ध लामाले सरकारको असंबैधाकि कदमबिरुद्ध सबै एक हुन आह्वान गर्नभयो । 

विरोध प्रदर्शनका क्रममा थाहा नगरको शिखरकोटबाट शुरु भएको ¥याली गोपालीगाँउ,दोबाटो हुँदै थानाबजारमा कोण सभामा परिणत भएको थियो ।