शिखरकोटमा पृथ्वीनारायण शाहको ३०४ औं जन्म जयन्ती र एकता दिवस मनाइयो

थाहा नगर, शिखरकोट, पौष २७ –
राप्रपा थाहा नगर कमिटी र राप्रपा मकवानपुर प्रदेश (क)को आयोजनामा शिखरकोट स्थित कृष्ण मन्दिर अगाडि पृथ्वीनारायण शाहको ३०४ औं जन्म जयन्ती र एकता दिवस मनाइएको छ। कार्यक्रममा प्रमुख अतिथि राप्रपा  केन्द्रीय सदस्य तथा संघीय समितिका अध्यक्ष राम बहादुर थोकरको विशेष उपस्थिति रहेको थियो।
कार्यक्रमको शुरुआत पृथ्वीनारायण शाहको तस्विरमा माल्यार्पण गरेर गरिएको थियो। त्यसपछि चियापान कार्यक्रमको आयोजना गरिएको थियो, जसमा थाहा नगर अध्यक्ष कुलमान तामाङ, जिल्ला सदस्य दिपक थापा लगायतका स्थानीय नेताहरूले सहभागिता जनाए।
कार्यक्रममा राष्ट्रवादी युवा शक्ति द्वारा समन्वय गरिएको थियो, जसको माध्यमबाट एकता र राष्ट्रियता सम्बन्धी सन्देश फैलाउने प्रयास गरिएको थियो। कार्यक्रममा उपस्थित प्रमुख अतिथि राम बहादुर थोकरले पृथ्वीनारायण शाहको योगदानलाई सम्झदै, राष्ट्रको एकता र अखण्डतामा सबैको समर्पणको महत्त्वलाई जोड दिएका थिए।
कार्यक्रममा राप्रपा प्रदेश( क ) का अध्यक्ष नवीन रायमाझीले कार्यक्रमको समापनमा धन्यवाद व्यक्त गर्दै, भविष्यमा यस्ता कार्यक्रमहरूको निरन्तरता दिनुपर्नेमा जोड दिएका छन्।
उनले यस कार्यक्रमले नेपालका एकता र अखण्डताको प्रतीक पृथ्वीनारायण शाहको योगदानलाई सम्झना गर्दै, समर्पण र राष्ट्रवादी भावना फैलाउने महत्त्वपूर्ण अवसर प्रदान गरेको बताए।