प्रधानमन्त्री देउवाले पाए बिश्वासको मत

काठमाडौँ । प्रधानमन्त्री शेरबहादुर देउवाले विश्वासको मत पाउनु भएको छ । दोस्रोपटक विघटित प्रतिनिधिसभा पुनर्स्थापनसँगै बसेको बैठकबाट उनले विश्वासको मत पाउनुभएको हो ।

प्रधानमन्त्री देउवाले कूल खसेकाे मत २४९ मध्ये  देउवाको पक्षमा १६५ मत परेको छ भने विपक्षमा ८३ मत मात्रै परेको छ । १ जना तटस्थ रहे । उहाँलाई बहुमत प्राप्त गर्नका लागि कूल मतकाे १३६ मत आवश्यक रहेको थियो ।

उनको पक्षमा नेपाली कांग्रेस, नेकपा माओवादी केन्द्र, नेकपा एमालेका नेता माधव कुमार नेपाल पक्ष, जनता समाजवादी पार्टी (जसपा), राष्ट्रिय जनमोर्चाका सांसदहरूले मत दिएका हुन् ।

गत २९ गते सोमबार राष्ट्रपति विद्यादेवी भण्डारीले नेपाली कांग्रेस सभापति देउवालाई प्रधानमन्त्रीमा नियुक्त गर्नुभएको थियो । 
सर्वोच्च अदालतले विघटित प्रतिनिधिसभा पुनर्स्थापना र संविधानको धारा ७६(५) बमोजिम देउवालाई प्रधानमन्त्री नियुक्त गर्न परमादेश जारी गरेको थियो ।
 
प्रधानमन्त्रीमा नियुक्त भएको एक महिनाभित्र विश्वासको मत लिनु पर्ने प्रावधान भए पनि देउवाले पुनर्स्थापित बैठकको पहिलो दिन नै विश्वासको मत लिनुभएको हो ।