ने.क.पा. थाहा नगर कमिटी कार्यालयको विस्तारित बैठक सम्पन्न, कार्यदल गठनदेखि एकता सन्देश सभासम्मका महत्वपूर्ण निर्णय

थाहा नगरपालिका, मंसिर १६ ।
नेपाली कम्युनिस्ट पार्टी (नेकपा) थाहा नगर समितिको मंसिर १६ गते विस्तारित बैठक सम्पन्न भएको छ । बैठकमा नेकपाका केन्द्रीय सदस्य कुमारी मुक्तानसहित पार्टीका विभिन्न तह–तप्काका नेता तथा कार्यकर्ताहरूको उपस्थिति रहेको थियो ।
बैठकले पार्टी संगठन सुदृढीकरण, आगामी कार्यक्रमहरूको तयारी तथा एकता प्रक्रियालाई थप प्रभावकारी बनाउने उद्देश्यका साथ महत्वपूर्ण निर्णयहरू गरेको छ ।
१) कार्यदल गठन
पार्टीभित्रको समन्वय, संगठन विस्तार र आगामी कार्यक्रमहरूको प्रभावकारी व्यवस्थापनका लागि बैठकले निम्न सदस्यहरू सहित कार्यदल गठन गरेको छ–
• लबशेर बिष्ट
• सानुकाजी गोपाली
• बिनोद लामा
• सुरेन्द्र थापा मगर
• लक्ष्मण बिष्ट
• युवराज जिम्बा
मंसिर २५ भित्र सबै वडामा बैठक
बैठकले थाहा नगरका सबै वडामा मंसिर २५ गतेभित्र बैठक सम्पन्न गर्ने निर्णय गरेको छ । दुवै पूर्व घटकको संयुक्त बैठकमार्फत मंसिर २९ गते हुने नगर एकता सन्देश भेलाका लागि आवश्यक तयारी मिलाइने जनाएको छ ।
मंसिर २९ मा नगर एकता सन्देश सभा
बैठकले मंसिर २९ गते जेसिस हलमा हुने “थाहा नगर एकता सन्देश सभा”लाई भव्य रूपमा सम्पन्न गर्न सबै तह, तप्का र संरचनाबाट सक्रिय भूमिका निर्वाह गर्ने प्रतिबद्धता जनाएको छ ।
बैठकले एकता प्रक्रियालाई दिगो रूपमा अघि बढाउने र पार्टीलाई थप संगठित बनाउँदै जनताका मुद्दामा केन्द्रित भएर अघि बढ्ने निष्कर्ष निकालेको नेता बिनोद कुमार लामाले बताउनुभयो। ।