नेपाली काँग्रेस थाहा नगर सभापतिमा गोपालीको उम्मेदवारी

भदौ, २५/नेपाली काँग्रेसको थाहानगरको येहि भदौ २७ गते हुने नगर अधिवेशनमा वर्तमान उपसभापति भरत गोपालीले सभापति पदमा उम्मेदवारी दिने घोषणा गर्नुभएको छ  ।

पार्टीको गतिबिधि बढाउन, नीति र सिद्धान्त अनुरुप पार्टीलाई मजबुद गर्न आफू योग्य रहेको बताउँदै आफुले सभापति पदको उम्मेद्वारी दिने घोषणा गरेको गोपालीले थाहापाटी अनलाइनलाई बताउनुभयो ।
गर्नु भएको हो । 
नगर अधिवेशन नजिकिदैँ गर्दा गोपालीले सक्षम र सबल नेतृत्व चयनका लागि कार्यकर्तासँग आग्रह गर्नु भयो ।

आफु कार्यकर्ता माझ सधैं रहेको र कार्यकर्ता तथा आम नागरिकको सुख दुखमा सधै सहभागी भएकोले थाहा नगरमा नेपाली काँग्रेस पार्टीलाई बलियो, शक्तिशाली पार्टी बनाउनको लागि आफुले उम्मेदवारी घोषणा गरेको बताउनु भयो ।

नगर सभापति पदमा अरुको पनि उम्मेदवारी छ भन्ने प्रश्नमा गोपालीले 'प्रजातान्त्रिक पद्धतिमा योग्य ब्यक्तिहरुले चाहना राख्नु उपयुक्त भएको र सबैलाई समेटेर मजबुत संगठन बनाउन सबैले आफुलाई सघाउन आग्रह गर्नुभयो ।' 

गोपालीले काँग्रेसको संगठनलाई मजबुद बनाउन आफूसँग लिपिबद्ध योजना रहेको समेत बताउनु भयो ।  उहाँले आन्तरिक पार्टी सुदृढिकरणमा हाम्रो जिम्मेवारी,नयाँ सोच र नेतृत्वको लागि हाम्रो उम्मेद्वारी भन्ने नाराका साथ आफु उम्मेदवार भएको बताउनुभयो ।

विद्यार्थीकाल देखि नेपाली काँग्रेसको राजनीति सुरु गरेका गोपाली नेपाल किसान संघ मकवानपुर जिल्ला सचिव, नेपाली काँग्रेस थाहा नगर उपसभापतिको समेत जिम्मेवारी सम्हालिसक्नु भएको छ । गोपाली लायन्स क्लव अफ धादिङ पिस खानीखोलाको अध्यक्ष, पालुङ जेसीजको अध्यक्षको जिम्मेवारी समेत लिइसक्नु भएको छभने हाल थाहानगर उद्योग वाणिज्य संघका कोषाध्यक्ष, पालुङ बहुमुखी क्याम्पस संचालक समितिका सदस्य, दिव्यतारा बहुउद्देश्यीय सहकारी संस्था पालुङ केन्द्रका संयोजक, पालुङ भ्याली हार्ट एकडेमीका संचालक अध्यक्ष समेत हुनुहुन्छ ।