नेकपा स्थायी समितिकाे बैठकमा प्रधानमन्त्रीको राजीनामा माग

नेकपा स्थायी समितिकाे बैठकमा अध्यक्ष पुष्पकमल दाहाल प्रचण्डले पार्टी र सरकार ठिक ढङ्गले सञ्चालन नभएकाे भन्दै प्रधानमन्त्रीको राजीनामा मागेका छन् । उनले दुई तिहाइको सरकार हुँदा पनि नागरिकले परिवर्तन अनुभुति गर्न नपाएको र पार्टीमा पनि ओली दम्भ देखिएकाेले अब राजीनामा नै उत्तम विकल्प भएको बताएको एक स्थायी कमिटी सदस्यले जानकारी दिएका छन् । प्रचण्डकाे प्रस्ताबमा नेता झलनाथ खनाल र वामदेव गौतमले पनि समर्थन जनाएका थिए ।

तर प्रधानमन्त्री ओलीले सार्वजनिक रुपमै दिल्लीले आफूलाई हटाउन खोज्यो भन्नु सामान्य कुरा नभएकाले यसको जवाफ दिन माग गरेका थिए । ‘प्रचण्डजी ले त सिधै प्रधानमन्त्रीको राजीनामा नै माग्नुभयो, झलनाथ र वामदेव कमरडेले दिल्लीको विषयमा प्रधानमन्त्रीले बोलेको कुराको सत्य तथ्य माग गर्नुभएको छ, उहाँहरुले पनि ओलीले ठिक तरिकाले पार्टी र सरकार नचलाएकाले छाड्दिँदा नै ठिक हुने कुरा राख्नुभएको छ’, एक स्थायी कमिटी सदस्यले भनेका छन् ।

प्रचण्डद्वारा ओलीको राजीनामा माग, झलनाथ र वामदेवको समर्थन नेकपाकाे स्थायी कमिटी बैठकमा नेताहरुले प्रधानमन्त्री केपी शर्मा ओलीले आफूलाई दिल्लीले हटाउन खोजेको अभिव्यक्तिको पुष्टि गर्न माग गरेका छन् । केहि दिनअघि प्रधानमन्त्री ओलीले दिल्ली र नेपालका केही शक्तिले आफूलाई हटाउने षड्यन्त्र गरेको बताएपछि प्रधानमन्त्री केपी शर्मा ओलीले भनेको कुरा निकै गम्भीर रहेको भन्दै आजको बैठकमा सदस्यहरुले त्यसको सत्य तथ्य बताउन माग गरेका हुन् ।