नेकपा फुट्दै फुट्दैन : सांसद रामनारायण बिडारी

नेकपामा अहिले देखिएको बिवाद सिद्धान्तमाथिको लडाई रहेको राष्ट्रिय सभा प्रत्यायोजित व्यबस्थापन तथा सरकारी आश्वासन समिति सभापति तथा नेकपा नेता रामनारायण बिडारीले बताउनुभएको छ । उहाँले दुई अलग बिचार र कार्यशैलीबाट आएका अलग–अलग समूहलाई ब्यस्थापन गर्नु सहज नभएको दावी गर्नुभयो ।

सरकारमा भएका र सरकार बाहिर भएकाहरु बिचको पनि सोचाई फरक हुदा अहिले पार्टी बिभाजनतिर जान लागेजस्तो देखिएको उहाँले बताउनुभयो । अहिले नेकपा सङ्कटमा रहेको स्वीकार गर्दै पार्टी एकीकरण हुनै बाँकी रहेको तर पार्टी संयन्त्र बनिसकेको अबस्थामा यस्तो दरार आउनु राम्रो नभएको बताउनुभयो ।

पाट्री सत्तामा गएपछि विश्वका धेरै कम्युनिष्टहरु बिलिन भएका उदाहरण दिदै उहाँले नेकपाले यस्तो रोगबाट बाहिरिनुपर्ने बताउनुभयो । आफैले बनाएका कमिटिको बैठक राख्दा पनि आउदिन भनेर एक पक्षिय नेता नआउनु दूर्भाग्य रहेको उहाको बुझाई छ । तर अहिले नेकपा नफुट्ने ठोकुवा गर्दै उहाँले सबै मिलेर जानुपर्ने बताउनुभयो । अब पार्टी बिभाजन भए जनताले सराप्ने उहाँले बताउनुभयो ।

सरकारको कामकारवाही राम्रो नभएको बताउदै उहाले कोभिड १९ को उपचारको सम्बन्धमा गरेको निर्णय गलत भएको बताउनु भयो । उहाँले दिनदिनै निर्णय फेरिरहनुले सरकारको बिश्वसनियता गुम्ने बताउनु भयो ।