नेकपा थाहानगरको अध्यक्षमा अरुण सचिवमा सानोकाजी

नेकपा मकवानपुरको आज बसेको जिल्ला सचिवालय बैठकले स्थानीय तहमा अध्यक्ष र सचिव तोकेको छ । पार्टी अध्यक्ष मुनु सिग्देलको अध्यक्षतामा बसेको बैठकले हेटौंडा उपमहानगरपालिकासँगै १० वटै स्थानीय तहमा अध्यक्ष र सचिव समेत चयन गरेको जिल्ला सचिव प्रेमबहादुर पुलामीले जानकारी दिए ।

पार्टी अध्यक्ष मुनु सिग्देलको अध्यक्षतामा बसेको बैठकले नेकपालको थाहा नगरपालिकाको अध्यक्षमा अरुण रायमाझि र सचिवमा सानोकाजी गोपाली चयन गरेका छन । यसैगरी हेटौंडा उपमहानगरपालिका कमिटिको अध्यक्षमा रघु आचार्य र सचिवमा तिर्थ बहादुर थापालाई चयन गरेको छ ।

सचिवालय बैठकले नेकपा बागमती गाउँपालिकाको अध्यक्षमा अरुण बल, सचिवमा उत्तम पौडेल चयन गरेको छ । बकैया गाउँपालिकाका अध्यक्ष नारायण प्रसाद तिमल्सीना, सचिवमा भक्तबहादुर खत्री, मकवानपुर गढी गाउँपालिकामा अध्यक्ष रामजी प्रसाद सापकोटा र सचिबमा राजकुमार खड्का चयन गरेको छ । भिमफेदी गाउँपालिकामा अध्यक्ष सानु थापा र सचिवमा दिपक गोले, इन्द्रसरोवर गाउँपालिकामा अध्यक्ष ऋसी पुणासैनी र सचिबमा ब्रिजु पदम लामा चयन हुनु भएको छ । बैलास गाउँपालिकामा अध्यक्ष बुद्धीबहादुर मोक्तान र सचिवमा लालसिंह गुरुङ, राक्सीराङमा अध्यक्ष हस्तबहादुर मोक्तान र सचिवमा ओमबहादुर स्याङतान, मनहरीमा अध्यक्षमा रामप्रसाद कालाखेती र सचिवमा हेमलाल उप्रेतीलाई चयन गरेको नेकपा मकवानपुरका अध्यक्ष मुनु सिग्देलले बताईन् ।

बैंठकले नगर रगाउँपालिकाको अध्यक्ष र सचिव चयनसँगै जिल्ला कार्यालय टिमपनि चयन गरेको उनले बताए । स्थानीय तह भाग लगाएर सहमतिको आधारमा नेतृत्व चयन गरेको पुलामीले उल्लेख गरे । तत्कालिन नेकपा एमालेको भागमा ६ वटा स्थानीय तह तथा माओवादी केन्द्रको भागमा ४ वटा स्थानीय तहमा नेतृत्व चयन गरेको छ । जस अनुसार हेटौँडा उपमहानगरपालिका, बकैया गाउँपालिका, मकवानपुरगढी गाउँपालिका, कैलाश गाउँपालिका, इन्द्रसरोबर गाउँपालिका तथा भीमफेदी गाउँपालिका तत्कालिन एमालेको भागमा परेको छ ।

राक्सीराङ गाउँपालिका, मनहरी गाउँपालिका, वागमती गाउँपालिका तथा थाहा नगरपालिका माओवादीको भागमा परेको छ ।