निशेधाज्ञामा थाहाका विपन्न दुई परिवारलाई वाईसिएलको राहत

वासियल थाहा नगरले थाहा नगरपालिका वडा नं. २ र थाहा नगरपालिका वडा नं १० का गरि दुई परिवारलाई खाध्यान्न सामाग्री वितरण गरेको छ । आपतकालीन अवस्थामा जनताका मर्म तथा समस्याहरु बुझ्न जनताको घरघरमा पुगिरहेको वाईसियल थाहा नगरले थाहा नगरपालिका २ देउरालीका ८० वर्षिया बृद्धा र थाहा नगरपालिका १० टौखेलका ६४ वर्षका वृद्धका परिवारलाई करिव डेढ महिनाका लागि पुग्ने खाध्यान्न सामाग्री उपलब्ध गराईएको डाटा संकलन तथा गुनासो सुनुवाई अभियान थाहा २ नं वडाका संयोजक सुजन आलेमगरले जानकारी गराउनुभयो ।

थाहा नगर भित्रका विभीन्न समस्याहरु संकलन गर्दै उक्त समस्यालाई समाधान गर्नका लागि सम्बन्धित निकायमा संकलित समस्याहरुलाई पु¥याउने उद्धेश्यका साथ उक्त अभियान वाईसियले सञ्चालन गरेको थाहानगर वासियल सचिव युवराज विष्टले बताउनुभयो । तत्कालको लागि अति समस्यामा परेका हरुलाई आफूहरुले नै निर्माण गरेको कोषबाट उक्त सामाग्री वितरण गरिएको र नगर भरिबाट डाटा संकलन भईरहेकोमा डाटा संकलनबाटमा आएका समस्याहरु समाधान गर्नका लागि आवश्यक पहल भईरहेको अध्यक्ष मानसिंङ दोङले थाहापाटीलार्ई जानकारी दिनु भएको छ  ।

प्रत्येक वडाबाट ५/५ जनाको समूह बनाई डाटा संकलन कार्य तिव्र भईरहेको र छिट्टै नै संकलित उक्त डाटाका विषयमा नगरपालिका तथा अन्य निकायसंग आवश्यक पहल गर्ने वासियल थाहा नगरले जनाएकाे छ ।