थाहा नगरपालिकामा राख्यो अन्तरपार्टी संजालले गुनासो पेटिका 

थाहा नगरमा क्रियाशिल अन्तरपार्टी संजालले जनगुनासोलाई सरोकारवाला सम्म पु¥याउन नगरपालिका कार्यालयमा गुनासो पेटिका राखेको छ । 
थाहा नगर क्षेत्रका जनताको जनगुनासोलाई सरोकारवाला सम्म पु¥याउन अन्तर पार्टी संजालले सुझाब पेटिका राखेको हो ।  
अन्तरपार्टी संजालले थाहा नगर पालिकाबाट संचालन गरिने विकासका कार्यक्रम तथा आर्थिक गतिबिधि पारदर्शी गर्न र नगरपालिकाले प्रदान गर्ने  सेवाका बारेमा जानकारी गराउन पटक पटक ध्यानाकर्षण गराएको थियो । 
नगरपालिका कार्यालयमा राखिएको गुनासो  पेटिकाको माध्यमबाट अब जनताको गुनासोलाई सरोकारवाला निकाय सम्म पु¥याउन सहयोगी बन्ने विश्वासका साथ राखिएको जनता समाजबादी पार्टी मकवानपुर –२ का ईन्चार्ज ईन्द्र ब. श्रेष्टले बताउनु भयो । 
थाहा नगरपालिका र नगरपालिका अन्तर्गतका निकायबाट पाउनु पर्ने कुनै सेवा सुबिधा प्रति गुनासो भए गुनासो पेटिका मार्फत गुनासो गर्न सकिने भएकाले गुनासो पेटिका राखिएको नेपाली कांग्रेस थाहा नगर सभापती योगेन्द्र मान श्रेष्ठले बताउनु भयो । 
थाहा नगरपालिका कार्यालयमा सुझाब पेटिका राख््रन नेपाली कांग्रेसका नेता प्रमोद जोशी, जनमोर्चा नेपालका थाहा नगर अध्यक्ष  दिनेश विष्ट, साझा पार्टी थाहा नगरका अध्यक्ष माधब कार्की लगाएत अन्तरपार्टी संजालमा आबद्ध दलका नेता कार्यकर्ताको उपस्थिती थियो । 
संजालले राखेको गुनासो पेटिका नियमित खोलिने र आएका गुनासाहरु सरोकारवाला निकाय सम्म पु¥याई समाधानको प्रयास गर्ने नेपाली कांग्रेसका नेता प्रमोद जोसीले बताउनु भयो ।