थाहामा वाई सि एल द्धारा प्रतिनिधि सभा विघटनको विरोधमा पुत्ला दहन 

प्रतिनिधि सभा विघटनको विरोधमा योङ कम्युनिष्ट लिग नेपाल वाईसिएल थाहा नगरले आज एकै समयमा थाहाका विभिन्न ठाउँमा प्रधानमन्त्री र राष्ट्रपतिको पुत्ला दहन गरि विरोध गरेको छ ।
प्रधानमन्त्री केपि शर्मा वली र राष्ट्रपति विद्यादेवि भण्डारीद्वारा संविधान मिचेर प्रतिनिधि सभा विघटन गरिएकोे पछिल्लो कदमको भत्सर्ना गर्देे प्रधानमन्त्री र राष्ट्रपतिको पुत्ला बनाएर जलाएको थाहा नगरपालिका वाइसिएल अध्यक्ष मान सिं दोङले जानकारी दिनु भयो ।

थाहानगरपालिकाको शिखरकोटमा वाइसिएल थाहा नगर कमिटि अध्यक्ष मान सिङ दोङ, जिल्ला कमिटि सदस्य सानोवाबु मुक्तान, नेकपा माओवादी केन्द्र जिल्ला सदस्य जयराम रायमाझीको नेतृत्वमा पुत्ला दहन गरिएको छ भने वडा नम्बर ४को  दोवाटोमा, वाइसिएल नगर कमिटि बरिष्ट उपाध्यक्ष संग्राम बिट, र नेकपा माओवादी केन्द्र थाहा नगर कमिटि सदस्य जमिन दियाली, वडा नम्मर १ को ओखर वजारमा वाइसिएल नगरकमिटि उपाध्यक्ष बसन्त गोपाली, थाहा ६ बज्रवाराही सरस्वती वजारमा वाइसिएल नगर उपाध्यक्ष दिवाकर गोपाली, चित्लाङ टौखेलमा नेकपा माओवादी केन्द्र थाहा नगर कमिटि सदस्य मंगललाल गोपाली, टिष्टुङ देउरालीमा वाइसिएल नगर कमिटि सहसचिव कृणमान लो, थाहा २ फाँट वजारमा वाइसिएल नगरकमिटि सचिब युवराज विष्ट, आग्रामा वाईसिएल प्रदेश कमिटि सदस्य दिपेन्द्र कुमार थिङ र नगर कमिटि सदस्य मोहन थिङको नेतृत्वमा नगरको १२ वटै वडाको १२ स्थानमा पुत्ला दहन कार्यक्रम गरिएको अध्यक्ष दोङले जानकारी दिनु भयो ।
कोभिडको जोखिमलाई मध्यनजर गर्दै थाहाको आज विभिन्न ठाउँमा पुत्ला दहन एकै पटक गरिएकोमा आगामि दिनमा अझ शसक्त प्रतिरोधका कार्यक्रम गरिने अध्यक्ष दोङले बताउनु भयो । 
शुक्रबार राती सरकाको सिफारीसमा राष्ट्रपतिले फेरि संसद भंग गरे पछि यो असंबैधानीक कदमको विरोधमा वासिएलले देशै भर विरोधका कार्यक्रम गरिरहेको छ ।