थाहानगरमा  काँग्रेसको पद हस्तान्तरण कार्यक्रम–संगठन विस्तारमा जोड

थाहा नगर नेपाली कांग्रेसका सभापति प्रमोदकृष्ण जोशीले नेपाली कांग्रेसलाई हेर्न र बुझ्न आग्रह गर्नुभएको छ । पटक पटक  स्थानिय र केन्द्रमा माओवादी र एमालेको कार्य परिक्षण भईसकेकाले अब एक पटक कांग्रेसलाई हेर्न आग्रह गर्नु भएको हो ।
थाहा नगरपालिकामा नेपाली काँग्रेसको नवनिर्वाचित प्रमोदकृष्ण जोशी सभापति रहेको कार्यसमितिलाई पद हस्तान्तरण कार्यक्रममा बोल्ने बक्ताहरुले अब थाहामा नेपाली कांग्रेसको संगठान विस्तार गर्ने र निर्वाचनमा पहिलो पाटी बनाउन लाग्नु पर्ने मा जोड दिए । 
नेपाली कांग्रेस महासमिति सदस्य मकवानपुर जिल्ला कार्यसमितिका सल्लाहकार जयराम लामिछानेको प्रमुख आतिथ्यतामा भएको कार्यक्रममा  कार्यसमितिको पद हस्तान्तरण गरिएको हो । 
नेपाली काँग्रेसका नेता लामिछाने, तरुण दल मकवानपुरका अध्यक्ष ईश्वर पाठक, जिल्ला सदस्य रामचन्द्र कार्की, महाधिवेशन प्रतिनिधि राजेन्द्र बिडारी, प्रदेश निर्वाचन क्षेत्रीय सभापति सुजन गोपाली, नवनिर्वाचित सभापति जोशी, काँग्रेस नेता भरत गोपाली, नवराज लामा लगायतको उपस्थििति थियो । 
काँग्रेस थाहानगरको गत ९ असोजमा सम्पन्न १४ औं अधिवेशनले कार्यसमिति निर्वाचित गरेको थियो ।