थाहाको ७ नं.वडामा वाईसियल कमिटि गठन, गोलेको नेतृत्वमा कमिटि विस्तार

वाईसियल थाहा नगर कमिटिले सोमबार थाहा नगरपालिका वडा नं. ७ को वडा भेला सम्पन्न गर्दै वाईसियल वडा कमिटि विस्तार गरेको छ । थाहा नगरपालिका वडा नं. ७ मा रहेको चिसापानी कैलाश डाँडाको सामुदायिक भवनको सभाहलमा भएको भेलाले तिलक बहादुर गोले अध्यक्ष, र तुलाराम थिङ सचिव रहने गरि २१ सदस्यीय वडा कमिटि विस्तार गरेको हो ।नवगठित कमिटिका उपाध्यक्षमा बुद्ध मुक्तान, देवेन्द्र गोले सहसचिव सञ्जिव मोक्तान,  कोषाध्यक्षमा रीता सुनार, सदस्यहरुमा विनोद राना मगर, सुमन मोक्तान, साजन थिङ, विरमान गोङ्वा, बाबुराम स्याङ्दान, विष्णु वाईवा लगायतका रहेका छन् ।

वाईसियल थाहानगर अध्यक्ष मानसिं दोङको सभाध्यक्षता तथा नेकपा माओवादी केन्द्र मकवानपुर जिल्ला कमिटि अध्यक्ष तथा थाहा नगर ईन्चार्ज लक्ष्मण विष्टको प्रमूख आतिथ्यतामा भएको कार्यक्रममा, जिल्ला कमिटि सदस्य तथा ईन्द्रसरोबर गाउँपालिका ईन्चार्ज विनायक गोले, जिल्ला कमिटि सदस्य जयराम रायमाझि, नगर सचिवालय सदस्य विनोद केसी, वडा नं। ७ वडा कमिटि अध्यक्ष रामबहादुर स्याङ्तान, वाईसियल प्रदेश कमिटि सदस्य दिपक लामा,  जिल्ला सदस्य तथा उद्योग पर्यटन विभाग प्रमूख अरुण मोक्तान, जिल्ला कमिटि सदस्य श्याम गोले, नेमराज थिङ, लगायतको उपस्थिति रहेको थियो ।