थाहाका नेत्र विक्रम चन्द विप्लव समूहका दुई जिल्ला सदस्यसहित दुई दर्जन कार्यकर्ताहरु नेकपामा प्रवेश

मकवानपुर, नेत्र विक्रम चन्द विप्लव समूहका दुई जिल्ला सदस्यसहित दुई दर्जन कार्यकर्ताहरु नेकपामा प्रवेश गरेका छन् ।
विप्लब समूहको मकवानपुर जिल्ला सदस्यहरु रामकृष्ण गोपाली मंगलाल गोपालीसहित २ दर्जन कार्यकर्ताहरु शुक्रबार थाहा नगरपालिकाको टौखेलमा आयोजित एक कार्यक्रमका बीच नेकपामा प्रवेश गरेका हुन् । 
थाहा नगरपालिका वडा नं. १० टौखेल निवासी रामकृष्ण गोपाली विप्लब समूहको जिल्ला सदस्य र थाहा नगर इन्चार्जसमेत रहेका थिए । ्
पार्टी प्रवेश गर्नेहरुमा जिल्ला सदस्य गोपालीद्वयसँगै अंकलाल गोपाली, रामेश्वर श्रेष्ठ, ननिव गोपाली।, जंगलाल गोपाली, केशब गोपाली, पूर्ण गोपाली, उदय गोपाली, पदमराज गोपाली, नवराज गोपाली, युवराज गोपाली लगायत रहेका छन् । 
उनीहरुलाई नेकपाका प्रदेश ३ कमिटी सदस्य विष्णु विष्ट आदर्श र थाहा नगर अध्यक्ष अरुण रायमाझीले टिका र खादा लगाएर नेकपामा प्रवेश गराएका थिए । 
प्रदेश सदस्य विष्टको प्रमुख आतिथ्यता र नगर अध्यक्ष अरुण रायमाझीको अध्यक्षतामा भएको कार्यक्रममा नेकपाका जिल्ला सदस्य राजु नापित, पूर्व जिल्ला सदस्य शशिधर सुवेदी, उत्तम लामिछाने, १० नं. वडा अध्यक्ष हिराबहादुर गमाल लगायतले मन्तव्य व्यक्त गरेका थिए । 
कार्यक्रममा नेकपा जिल्ला सदस्य विनायक गोले, ईश्वर रुम्बा लगायतको उपस्थिति रहेको थियो ।