कांग्रेस थाहा नगर सभापतिमा प्रमोदकृष्ण जोशी बिजयी

असोज ०९/नेपाली कांग्रेस थाहा नगरकमिटिको सभापति पदमा  प्रमोदकृष्ण  जोशी  निर्वाचित भएका छन् ।

आज थाहा नगर कमिटिको निर्वाचनमा जोशीले १ सय ९ मत ल्याई निर्वाचित भएका हुन् । उहाँको निकटतम प्रतिद्वन्द्वी भरत गोपालीले ८१ मत प्राप्त गर्नुभएको थियो।

नगरकमिटिको २ उपाध्यक्ष पदमा  नवराज कार्की र उद्धब लामिछाने निर्वाचित भएका छन् । कार्कीले १ सय १४ र लामिछानेले १ सय २ मत प्राप्त गरे । उपाध्यक्ष कै अर्का उम्मेदवार सोम प्रसाद गर्तौलाले ८९ मत प्राप्त गरेका छन् ।

२ सचिब पदमा भिमसेन मोक्तान र कर्ण बहादुर गोपाली निर्वाचित भएका छन् । मोक्तानले १ सय १२ र गोपालीले १सय ४ मत प्राप्त गरे ।  सचिब पदकै उम्मेदवार बिर्जुलाल थिङले ८४ र शशि कुमार दोङ ले ५६ मत प्राप्त गरेका थिए ।

२ जना सहसचिव पदमा सत्यदेवी स्याङतान र सुरेन्द्र श्रेष्ठ निर्वाचित भएका छन् । स्याङ्तानले १ सय ६५ र श्रेष्ठले ९५ मत प्राप्त गरेका थिए । सहसचिव पदकै उम्मेदवार ध्रुब कुमार भट्टले ४६ र रामचन्द्र भोम्जनले ४७ मत प्राप्त गरेका थिए ।

तेस्तै नगर कमिटिका लागि ५३ जना सदस्यहरुमा सबै सर्वसम्मत निर्वाचित भएका छन् ।

थाहा नगरको जेसीज हलमा भएको निर्वाचन कार्यक्रममा १ सय ९५ जना प्रतिनिधिले मतदान गरेको जेसीज हलबाट नेपाली कांग्रेसका नेता निरोज प्रधानले बताउनुभयो ।