स्थानीयको बिरोध पछि थाहाबाट चल्ने नारायणी यातायातका गाडी र सुमो चलेन

मकवानपुरको थाहा नगरपालिका-०३ मा सोमबार साँझ गोपाली गाउँबाट थाना बजारतर्फ जाँदै गरेको बा. ३ ख. ५९९० नम्बरको बसको ठक्करबाट ३ जना पैदलयात्रीको ज्यान गएपछि पिडित पक्षले सो बस सम्बद्ध नारायणी यातायात व्यावसायी संघले बेवास्ता गरेको गुनासो गरेका छन् ।

दुर्घटनापछि संघले जिम्मेवारी लिन र मृतक तथा घाइतेहरूको लागि क्षतिपूर्ति दिन तदारुकता नदेखाएको स्थानीयको भनाइ छ ।
संघका अध्यक्षले गैरजिम्मेवार ढंगले फोनमा कुरा गरेका थिए,छलफलमा सहभागीका अनुसार संघका अध्यक्ष हिरालाल श्रेष्ठले थाहा नगरका प्रमुख उपप्रमुख संग समेत फोनमा कुरा गर्दा ड्राइभर संग कुरा गरेको जस्तो व्यवहार देखाएको बताए ।
संघका अध्यक्षले कुनै जिम्मेवारी बोध नगरेको पिडितको भनाइ छ।

मंगलबार बिहान उक्त बस व्यवसायी संघ, जनप्रनितिधि र पीडितसहितको त्रिपक्षीय छलफल भएपनि सो छलफल बिना निष्कर्ष सकिएको थियो । सो पछि स्थानीयहरूले जेठ १४ गतेबाट (बुधबार) चित्लाङ-थानकोट सडक (गणेशमान मार्ग ) भएर चल्ने नारायणी यातायात व्यावसायी संघ मातहतका भाडाका सवारीसाधनलाई गुड्न नदिने बताएका छन् ।

थाहा नगरपालिका वडा न ९ का अध्यक्ष राजकुमार बलामीद्वारा हस्ताक्षरित सूचनामा पीडित पक्ष, जनप्रतिनिधि तथा नारायणी संघका प्रतिनिधि बीच भएको छलफलमा संघले सम्झौता गर्न आनाकानी गरेको भन्दै स्थानीयको माग अनुसार बुधबारबाट थानकोट-चित्लाङ सडकमा नारायणी यातायातसँग सम्बन्धित गाडीहरूको सञ्चालन बन्द गरिने जनाइएको छ ।
आज नारायणी यातायातको पालुङ बाट हेटौंडा काठमाडौ छुट्ने कुनै पनि साधन चलेका छैन।
सबारी साधन नचल्दा कामको लागि हेटौंडा काठमाडौ जाने मारमा परेका छन।

साेमबार भएको दुर्घटनामा स्थानीय झम्केश्वरी माविका दुई शिक्षकसहित तीन जनाको मृत्यु भएकाे थियाे भने दुई जना घाइते भएका थिए । उनीहरूको विभिन्न अस्पतालमा उपचार भइरहेको छ।