सुरक्षित आप्रबाशन सम्बन्धि अभिमुखिकरण कार्यक्रम सम्पन्न ।

थाहा नगरपालिका वडा नम्बर४ किटेनिमा  नयाँ वित्तीय साक्षरता तथा मनोसामाजिक परामर्शको लागि अभिमुखिकरण कार्यक्रम सम्पन्न भएको छ। सुरक्षित आप्रवासन परियोजना अन्तर्गत आर्थिक वर्ष २०७८/७९ का लागि वडा नम्बर ४ मा उक्त कार्यक्रम संचालन गरियको हो।

कार्यक्रममा वित्तीय साक्षरता तथा मनोसामाजिक परामर्श तथा अभिमुखिकरण गरियको थियो । सुरुमा सहभागीहरुलाई वित्तीय साक्षरता तथा मनोसामाजिक परामर्शको परिभाषा तथा यसको महत्व र आवश्यकताबाट प्रष्ट पारिएको थियो । विशेषतः वित्तीय साक्षरता तथा मनोसामाजिक परामर्शको बारेमा पुर्ण जानकारीका साथै परियोजनाको बारेमा समेत सहभागीहरुलाई अभिमुखिकरण  गराईएको थियो ।

वित्तीय साक्षरता तथा मनोसामाजिक परामर्श कक्षाको सामान्य निती नियम पनि बनाईएको छ । त्यसपछि वैदेशिक रोजगारीले पारेका राम्रा र नराम्रा प्रभावहरुको बारेमा छलफल गरिएको छ । त्यपछि प्रतिबद्धता पत्रको बारेमा पुनःस्मरण गराउदै कक्षा व्यवस्थापन समितीका सदस्यमार्फत कक्षा समापन गरिएको वित्तिय साक्षरता सहजकर्ता मेलिना खत्रीले बताउनुभयो ।
समिती गठन गरे सँगै वित्तीय साक्षरता तथा मनोसामाजिक परामर्श कक्षा सुरु गरिएको वित्तिय साक्षरता सहजकर्ता मेलिना खत्रीले  बताउनुभयो ।
सुरक्षित आप्रवासन परियोजना नेपाल सरकार र स्वीस सरकार विचको द्धिपक्षीय परियोजना हो । यो परियोजना श्रम रोजगार तथा सामाजिक सुरक्षा मन्त्रालय र स्थानीय सरकारहरुकोे (थाहा नगरपालिकाको) नेतृत्व एकीकृत ग्रामीण बिकासको सहजीकरण  तथा हेल्भेटास नेपालको प्राविधिक सहयोगमा सञ्चालित सुरक्षित आप्रवासन परियोजना सामी अन्र्तगतको वित्तीय साक्षरता संभागमा डिप्रोक्स नेपालले वित्तीय साक्षरता कार्यक्रमलाई व्यवस्थित सञ्चालनको प्राविधिक साझेदारीको काम गर्दै आइरहेको छ ।

वैदेशिक रोजगारीलाई व्यवस्थित तथा मर्यादित एवम् शोषणरहित बनाउदै वैदेशिक रोजगारीबाट प्राप्त विप्रेषणको सहि सदुपयोग गरि देशभित्रै रोजगारीको अवसरहरु सिर्जना गर्ने तथा आय आर्जनमा वृद्धि गरि भविष्यमा सहज जिविकोपार्जन गर्ने गराउने यस परियोजनाको मुख्य उद्धेश्य रहेको मनोसामाजिक परामर्श कर्ता सुनिता बस्नेत ले बताउनुभयो। आयोजना तथा परियोजनाको लागी प्राविधिक सहयोग हेल्भेटास नेपालले गरेको छ ।