सिमभन्ज्याङ क्षेत्रमा भैरहेको पिच गुणस्तरहीन भएको भन्दै स्थानीयले रोके काम।

त्रिभुवन राजपथको सिमभन्ज्याङ देखि दन्दुभन्ज्याङ सम्म  ६.५ किलोमिटरकोको सरफेस ड्रेसिङ पिचको काम कमसल देखिएको भन्दै  दामन-सिमभन्ज्याङ बजार व्यवस्थापन समिती तथा एभरेष्ट क्लबको पहलमा आजदेखी भैरहेको काम बन्द गराइएको छ। कालिमाटीको केएनकेजि कन्ट्रक्सनले डेढ करोडको ठेक्कामा पाएको उक्त काम सडक डिभिजन कार्यालय हेटौंडा मकवानपुरले बनाइएको इस्टिमेट अनुसार भएको जानकारी गराए।

 
डिभिजन सडक कार्यालय हेटौंडा मकवानपुरको इस्टिमेट अनुसार जम्मा २ सेन्टिमिटरको मात्र पिच हुनेगरि  बनेको सो कार्यलाई अघि नबढाउन  स्थानीय अगुवाहरुले सम्बन्धित निकायलाई सचेत पनि गराएको छ। 
सिमभन्ज्याङ्को सेग्रीगेसन टहरादेखी करिब ३०० मिटर चिल्लो सडकमा हल्का मात्र अलकत्रा लगाई त्यसमाथि चिसो गिट्टी बिछ्याइएको र रोलरले पेल्दा-पेल्दै गिट्टी उप्किएको अनि  खुट्टाले धसेर्दा समेर गिट्टी उप्किरहेको अवस्था देखिएपछि स्थानीयले काम गुणस्तरहिन भएको भन्दै पिचको काम बन्द गराएकाहुन। 

भैरहेको चिल्लो सडक माथी त्यसरी गिट्टी थुपार्दा झनै झोखिम र कुरुपता थपेको छ भने जनताको आँखामा छारो हाल्ने काम भएको स्पष्ट देखिएको स्थानीयको आरोप छ।

ठेकेदारकै भनाइ अनुसार सिमभन्ज्याङ जस्तो चिसो ठाउँमा धेरै टिकाउ हुने खालको पिच गरिनुपर्ने हो तर आफुले डिभिजन सडक कार्यालयले गरेको  निर्णय,योजना  र तोकिएको मापदण्ड अनुसार मात्रै काम गर्न सकिने भएकोले बरु घाटामा गएर  भनेपनी काम  रोक्नुपर्ने बाहेक अन्य विकल्प नरहेको बताए।
यस अघिपनी सोही निर्माण कम्पनिले अघोर क्षेत्रमा गरेको काम कमसल भएको भन्दै संचारमाध्यममा आलोचना भएपछि बिबाद भएको थियो।