समुदायमा अदालत - अन्तरक्रिया सम्पन्न ।

मकवानपुर जिल्ला अदालत द्वारा सञ्चालित न्यायमा पहुँच बिस्तारको लागि समुदायमा अदालत कार्यक्रम अन्तर्गत आज थाहा नगरपालिकामा समुदायमा अदालत नामक अन्तरक्रिया कार्यक्रम सम्पन्न भयको छ।मकवानपुर जिल्ला अदालतको आयोजनामा थाहा नगरका जनप्रतिनिधि वडा कार्यालयका सचिब ,न्यायीक समिती तथा वडा मेलमिलाप समितीका सदस्य इलाका प्रहरी कार्यालयका प्रमुख,पत्रकारहरुको उपस्थित रहेको थियो।
स्थानीय निकाय अन्तर्गत नगरपालिकामा रहेको न्यायिक समितिको कामको प्रभाबकारिता र अनुगमन ,नगरपालिका पदाधिकारीले गर्ने न्यायिक तथा प्रशासनिक काम कारबाहीमा आइपरेको समस्या र तिनको समाधानको कानुनी उपाय ,जन्मदर्ता ,बिबाह दर्ता लगायतका सिफारिसमा आइपरेका समस्या र कानुनी समाधान ,न्यायपालिका प्रतिको जनधारणा तथा स्थानिय निकायबाट अदालत सम्बन्धि गरिने सिफारिसको प्रभाबकारिता तथा शुद्धता समेत का विषयमा सहभागीहरुले न्यायाधीशहरुलाइ प्रश्न गरेका थिय ।उठेका प्रश्नमाथी जिल्ला अदालत मकवानपुरका माननीय न्यायाधीश द्वय कमलराज बिष्ट ,डिल्ली रत्न श्रेष्ठ तथा अधिवक्ता सुशील कुमार पोखरेलले सहजीकरण गर्नुभयको थियो। अन्तरक्रिया कार्यक्रममा स्थानिय जनप्रतिनिधि हरुले आफ्नो कार्यालयमा आउने मुद्दा तथा कानुनी समस्या लाई कसरी समाधान गर्न सकिन्छ ?भनेर जिज्ञासा राखेका थिय भने जिज्ञासा् हरुलाइ न्यायाधीशहरुले न्यायिक उपचार कसरी गर्नसकिन्छ भनेर आफ्नो धारणा राख्नुभएको थियो।अन्तरक्रिया कार्यक्रम थाहा नगरपालिकाका न्यायिक समिती संयोजक खड्गबहादुर गोपालिको उपस्थिति तथा जिल्ला न्यायाधीश डिल्लिरत्न श्रेष्ठको अध्यक्षतामा  सम्पन्न भयको थियो।कार्यक्रममा आफ्नो भनाइ राख्दै संयोजक गोपालीले थाहा नगरपालिकाको न्यायिक समितिमा धेरै मुद्दा आयकोमा धेरै जसो मुद्दा न्यायिक समितिले सुल्झायपनी केही मुद्दा अदालत पठाउन सिफारिस गरियको तथा नगरमा हाल जग्गा सम्बन्धि बिबाद धेरै आइरहेको बताउदै न्यायिक निरुपण तथा उपचार लाई अदालतले सहज बनाउनपर्ने आग्रह गर्नुभयो