सडक डिभिजन कार्यालयको पत्रपछि थानकोट- चित्लाङ सडकमा ठेकेदारले पुनः सुरु गरे काम

काठमाडाैं । ऐतिहासिक महत्वको थानकोट- चित्लाङ सडकको विषयमा सडक विभागले ठेक्का रद्द गर्ने पत्र काटेपछि ठेकेदार कम्पनीको डोजर चल्न थालेको छ ।

२०८२ साल वैशाख १९ गतेको सम्झौता अनुसार करिब ३ किलोमिटर सडक पिच गर्ने, नाली बनाउने, वाल बनाउने तथा आवश्यक मोड कटान गर्नेगरी १५ करोडको ठेक्का पाएको तामाङ कन्स्ट्रक्सनले २०८२ साल असार २५ गते नै कार्य सम्पन्न गर्नुपर्नेमा म्याद थप गरि २०८२ साल पौष २० गतेसम्मको थप अवधी प्राप्त गरेको भएपनि हालसम्म सम्झौता मितिको ६७ प्रतिशत समय व्यतित भैसक्दा पनि स्थलगत भौतिक प्रगति अन्त्यन्तै न्यून देखिएको भन्दै सडक डिभिजन कार्यालयले ठेक्का सम्झौता रद्द गर्ने व्यहोराको पत्र काटेपछि पुन: चन्द्रागिरि सडक खण्डमा ठेकेदारको उपस्तिथि देखिएको हो ।

काठमाडौं भित्रिने सबैभन्दा छोटो सडक माध्यमको रूपमा विकास गर्न सकिने थानकोट-चित्लाङ ( गणेशमान सिंह राजमार्ग) को स्तरोन्नति एवम् निर्माण कार्यका लागि संघिय सरकारले वर्षैपिच्छे बजेट विनियोजन गर्ने गरेको भएपनि ठेकेदार कम्पनीको लापरबाही र स्थानीय प्राकृतिक स्रोतको दोहन गर्न पल्केका सीमित बिचौलियाहरूका कारण लामो समयदेखि चन्द्रागिरिको बाटोले बिजोग भोग्नु परिरहेको स्थानीयहरूले आरोप लगाउँदै आएका छन् ।शोणितपुर खवर बाट