सडकको निर्माणनै वडा विकासको आधार 
वडा सडकले जोड्ने यस्ता छन् थाहा ४ का ८ सडक योजना

  थाहा नगरपालिका ४ नं. वडाका वडा अध्यक्ष दिपक सिंह लामाले आ.ब.२०७५÷०७६ मा आफ्नो वडालाई सडक संजालमा जोडिसक्ने बताउनु भएको छ । सडक निर्माण पछि मात्र वडामा अन्य विकासका कार्यक्रम संभक भएकाले सडक निर्माणमा जोड दिएको अध्यक्ष लामाले थाहापाटीलाई बताउनु भयो ।  सडक निर्माणका लागि जनताको माग आएअनुसारनै सडक निर्माणको अभियानमा वडा जुटेको पनि लामाले बताउनु भयो । विकासका धरै काम गर्न बाँकी छ विकासको आधार बाटोनै भएकोले त्यहीबाट शुरु गरिएको र निर्धारित समयमै जनताको विकासको बजेटबाट लक्ष्य पुरा गर्न उपभोक्ता समिति निर्माणमा लागिसकेको पनि लामाले बताउनु भयो । 
यस्ता छन् थाहा ४ का ८ सडक योजना 
१. चौकि किटेनी रुप्से सडक निर्माण गर्न ३५ लाख
२. गोलमोड फापरबारी सडक निर्माण गर्न ५ लाख
३. बालुवाचौर ठूलोमाखु खोलाघारी सडक निर्माण गर्न ५ लाख 
४. सिमभन्ज्याङ्ग नारायाणझ्याउ सडक निर्माण गर्न ५ लाख 
५. स्वास्थ्यचौकी किटेनी सडक निर्माण गर्न ५ लाख 
६. कालिदेवी जैविक सडक निर्माणका गर्न ५ लाख 
७. रुप्सेटोल सडक निर्माण गर्न ५ लाख 
८. थानाबजार पुलको मुख घलेडाँडा सडक निर्माण गर्न ५ लाख