शिखरकोट फल्चामा दिप प्रज्वलन सहित ७५ औं राष्ट्रिय प्रजातन्त्र दिवस मनाइयो।

थाहा नगरपालिका शिखरकोट स्थित फल्चा  प्रागणमा शिखरकोटमा रहेको विभिन्न संघसंस्थाले संयुक्त रुपमा एक कार्यक्रमको आयोजना गरि ज्ञातअज्ञात सहिदको बलिदान स्वरुप नेपाली नागरिकले पाएका विभिन्न हक र अधिकारको मनन गर्दै दिप प्रज्वलन कार्यक्रम सम्पन्न गरेको छ ।
दिप प्रज्वलन कार्यक्रममा शुभकामना दिदै थाहा नगरपालिकाका प्रमुख प्रशासकिय अधिकृत सुरेन्द्र प्रधानले राज्यशक्तिको स्रोत जनता मात्र हुन् र मुलुकको सार्वभौमसत्ता जनतामा निहित हुनुपर्छ भन्ने मान्यतालाई जनताको संघर्ष तथा वीरवीरांगना शहीदको बलिदानबाट स्थापित गरेको हुनाले आजको दिन नेपालको इतिहासमा गौरवपूर्ण र अविस्मरणीय रहेको बताए।
विसं. २००७ सालको क्रान्ति सफल भएर १०४ वर्ष लामो निरंकुश राणाशासन अन्त्य भई प्रजातन्त्र स्थापना भएको सम्झनामा हरेक वर्ष फागुन ७ गते प्रजातन्त्र दिवस मनाइँदै आइएको छ।
थाहाको शिखरकोटमा रहेको बजार व्यवस्थापन समिती,फरक सोच,शिखर क्लव,नवजागृत पुस्तकालय,दामन चेली समाज,थाहा नगर व्याडमिन्टन संघ,शिखर बचत,मंगलदिप बचत,प्रभु बैंक,महालक्ष्मी बिकास बैंक,दिव्यतारा बहुउद्देश्यीय सहकारी,कृषि बिकास बैंक,शिखर इन्स्योरेन्स,ज्योती लाइफ,प्राइम लाइफ,कुण्डलदेवी बहुउद्देश्यीय,थाहा नगर उद्योग वाणिज्य संघ,गोपाली सांस्कृतिक समाज,लगायतका संघसंस्थाको आयोजनामा दिप प्रज्वलन भएको हो।
फरक सोचका अध्यक्ष यादव रायमाझीको संयोजकत्वमा भएको दिप प्रज्वलन कार्यक्रममा ईलाका प्रहरी कार्यालय पालुङका प्रमुख सविन बाबू अर्याल,प्याव्सन थाहाका अध्यक्ष सुरेन्द्रमान प्रधान,थाहा नगर उद्योग वाणिज्य संघका अध्यक्ष पुरुषोत्तम ढकाल,बजार व्यवस्थापन समितिका अध्यक्ष मनोज रायमाझी,शिखर क्लवका अध्यक्ष विश्व अर्याल,गोपाली सांस्कृतिक समाजका बिक्रम गोपाली लगायत आयोजक संघसंस्थाका प्रमुखहरुको उपस्थिती रहेको थियो।