रुदानेको १९औं स्मृतीदिवस मनाईदै
विकास घर शिखरकोटमा काब्य सम्मेलन

थाहा आन्दोलनका प्रणेता रुपचन्द्र विष्टको १९ औं स्मृति दिवस विभिन्न कार्यक्रम गरेर मनाईदै छ । स्मृतिका दिवसका अवसरमा विष्टको जन्मथलो मकवानपुरको पालुङ विकासघरमा राष्ट्रिय काव्य महात्सब गरि मनाईदै छ । १९९० पुस २६ गते मकवानपुरको दामन घर्तिखोलामा जन्मेका विष्टको २०५६ साल असार ७ गते आजैका दिन काठमाण्ण्डुमा निधन भएको थियो । विष्टले २०२८ सालतिर मकवानपुरको उत्तरी क्षेत्रमा शिक्षा आन्दोलन चलाएका थिए । ‘छोरा पढाउने, छोरी नपढाउने मुर्दावाद–छोराछोरी दुवै पढाउने जिन्दावाद’ भन्ने नाराका साथ विष्टले चलाएको भएको शिक्षा आन्दोलन व्यवहारमै लागू भएको मानिन्छ । त्यतिबेला छोराछोरी स्कुल नपठाउने अभिभावकलाई जरिवाना तिराउने व्यवस्था विष्टले ल्याएका थिए । सबै मानिसले थाहा पाउनुपर्छ भनेर आन्दोलन चलाएका भएका विष्टले निष्पक्ष–सक्रियताको–अभ्यास थाहा भन्ने सिद्धान्त नै प्रतिवादन गरेका थिए । त्यसैले उनलाई थाहा आन्दोलनका प्रणेताका रुपमा मानिने गरिएको छ । थाहा आन्दोलनका अगुवा स्वर्गिय रुपचन्द्र विष्टको स्मृति दिवसको अवसर पारेर राष्ट्रिय काब्य सम्मेलन भईरहेको छ । दामन विकास घर शिखरकोटमा भईरहेको काब्य सम्मेलन थाहा नगरपालिका र पालुङ साहित्य परिषद्को संयुक्त आयोजनामा भएको हो । सम्मेलनमा देशका सातै प्रदेशका साहित्यकारहरुको सहभागिता रहृेको पालुङ साहित्य परिषद्का अध्यक्ष बिर्खे अञ्जानले जानकारी दिनु भएको छ ।