मुक्तिनाथले थाहामा आलु महोत्सव गर्ने

-शम्भु अधिकारी

थाहा दुई फाटबजारमा रहेको मुक्तिनाथ हरियाली कृषि सहकारीले आगामी बर्ष थाहा नगरमा आलु महोत्सव गर्ने भएको छ । सस्थाको आज भएको तेस्रो साधारणसभामा अध्यक्ष माधब कार्कीले आफ्नो बार्सिक प्रतिबेदन प्रस्तुत गर्दै सो कुराको जानकारी दिनु भयो ।

थाहा नगर वडा न दुई का अध्यक्ष गुप्त कार्की को प्रमुख आतिथ्य तथा प्रधानमन्त्री कृषि आधुनिक परियोजना थाहाका प्रमुख सुजन अमगाइको विशेष आतिथ्यमा साधारणसभा सम्पन्न भएको हो

कार्यक्रममा कुण्डलदेबी सहकारीका ब्यबस्थापक राजन मिश्र, पाथीभरा बचतका अध्यक्ष अर्जुन कार्की , ईलाका प्रहरी कार्यालयका प्रमुख धुर्ब सिलवाल , प्रधानमन्त्री कृषि जोनका बिस्णु बाहादुर लगायतका उपस्थिति रहेको थियो ।

साधारण सभालाई शुभकामना मन्तव्य दिदै तरकारी जोनका प्रमुख सुजन अमगाइले थाहा र इन्द्रसरोबरका किसानहरुको ब्याबसायीक हितकोलागि जोन कृषि सहकारीहरु सग सहकार्य गरेर अगाडि बढ्ने बताउदै सामुहिक कृषिमा लाग्न जोड दिनु भयो ,साथै वहाँले सस्थाले गर्ने आलु महोत्सवलाई सक्दो सहयोग गर्ने प्रतिबद्धता पनि ब्यक्त गरे  । त्यसै गरि प्रमुख अतिथी गुप्त कार्कीले कृषि सहकारीहरु झोलामा राखेर हिड्ने परिपाटी रहेको बेला मुक्ती नाथको काम देखेर आफू खुसी रहेको बताउदै नगरबाट हुन सक्ने सक्दो सहयोग गरिरहने बताउनु भयो ।

साधारणसभाको अबसरमा विभिन्न सदस्यहरुलाइ पनि सम्मानित गरियो सम्मानित हुनेमा जेष्ठ नागरिक रामकृष्ण थापा ,उत्कृष्ट ब्याबसायी भैरब कार्की ,उत्कृष्ट बचत सरिता माया तितुङ , उत्कृष्ट ऋण बिस्णु माया स्याङ्तान, र रामकाजी थापा रहेका छ्न ।