माओवादी केन्द्र थाहा नगरको बिस्तारित बैठक सम्पन्न

नेकपा माओवादी केन्द्र थाहा नगर कमिटीको बिस्तारित बैठक बिहिवार सम्पन्न भएको छ । 
नेकपा माओवादी केन्द्रकी पोलिटव्युरो सदस्य एवम् बागमती प्रदेश सांसद कुमारी मोक्तानको प्रमुख आतिथ्यता तथा केन्द्रिय सदस्य तथा मकवानपुर जिल्ला इन्चार्ज बिजय गौतमको उपस्थितिमा भएको बैठकले विभिन्न निर्णय गरेको छ।
 बैठकलाई सम्बोधन गर्नुहुँदै नेतृ मोक्तानले देशमा भएको परिवर्तनको मुख्य एजेन्डा माओवादीको भएको दावी गर्नुहुँदै अहिलेको सरकारले आन्दोलन बाट प्राप्त उपलब्धि हरु मास्न लागिपरेको बताउदै  बिकास र समृद्धिको लागि र प्राप्त उपलब्धिको रक्षाका लागि एकजुट भएर लाग्न सम्पूर्ण नेता कार्यकर्तालाई आग्रह गर्नुभयो। 
बिस्तारित बैठकले असोज महिना भित्रमा सदस्यता  नविकरण सकाउने,कार्तिक महिना भित्रमा जन वर्गीय संगठन ,मोर्चाको बैठक,भेला,सम्मेलन,अधिवेशन सम्पन्न गर्ने र भाद्र महिनाको अन्तिम हप्तामा २ दिने राजनैतिक,बैचारिक प्रशिक्षण कार्यक्रम गर्ने निर्णय गरेको माओवादी थाहाका अध्यक्ष बिनोद कुमार लामाले जानकारी दिनुभयो।
थाहा नगर कमिटी अध्यक्ष बिनोद कुमार लामाको अध्यक्षता भएको बिस्तारित बैठकमा नेकपा माओवादी केन्द्रका पोलिटब्युरो सदस्य तथा प्रदेश सांसद कुमारी मोक्तान ,नेकपा माओबादी केन्द्रका केन्द्रिय सदस्य तथा जिल्ला इन्चार्ज बिजय गौतम  बागमती प्रदेश सचिवालय सदस्य बिष्णु बिष्ट, प्रदेश कमिटी सदस्य तथा थाहा नगर इन्चार्ज लवशेर बिष्ट, जिल्ला समन्वय समिति प्रमुख ललित घलान, जिल्ला समन्वय समिति सदस्य अरुण रायमाझी,बिनायक गोले  लगायत जनवर्गीय संघसंगठनका प्रमुख  तथा वडा अध्यक्ष हरुको उपस्थिति रहेको थियो।
बैठकले नगर कमिटीमा सदस्यमा सुजन लामालाई मनोनित गर्ने निर्णय गरेको नगरकमिटी सचिब लक्ष्मण बिष्टले बताउनुभयो ।

सुजन लामाको नेतृत्वमा नेसपा समाजवादी पार्टिबाट  बिद्रोह गरि आउनेहरुलाई माओवादी केन्द्रमा समाहित गरिएको हो।