महामरीको बिरुद्ध एकजुट बनौं : केन्द्रिय सदस्य उपाध्याय

२४ असार । नेपाली काङ्ग्रेस केन्द्रिय सदस्य तथा पुर्व जलस्रोत राज्यमन्त्री महालक्ष्मी उपाध्याय 'डिना'ले महामारीको बिरुद्धमा एकजुट भएर लाग्न अनुरोध गर्नुभयो ।

आज बिहीवार थाहा नगरपालिकालाई नेपाली काङ्ग्रेस केन्द्रिय समितिको तर्फबाट १ थान १० लिटरको अक्सिजन कन्सेन्ट्रेटर हस्तान्तरण गर्ने क्रममा उपाध्यायले कोरोना भाईरसको कारण अक्सिजनको अभावमा कसैलाईपनि समस्या  नपरोस भनेर अक्सिजन कन्सेन्ट्रेटर हस्तान्तरण गरिएको बताउनुभयो ।

कोरोना भाईरसको उपचारमा अक्सिजन अत्यावश्यक भएको र नेपाली काङ्ग्रेस केन्द्रिय समितिको तर्फबाट थाहा नगरपालिकालाई अक्सिजन कन्सेन्ट्रेटर सहयोग गर्नु भएकोमा थाहा नगरपालिका प्रमुख लवशेर बिष्टले धन्यवाद ज्ञापन गर्नुभयो ।

नगरप्रमुख बिष्टले अक्सिजनको  अभावमा थाहानगरमा कोहिपनि मर्न नपर्ने बताउनुभयो । उहाँले  बिभिन्न संघसंस्थाको सहयोग र नगरपालिकाको लगानीमा पर्याप्त अक्सिजनको ब्यवस्था भएको बताउनुभयो । 

कार्यक्रममा नेपाली काङ्ग्रेस महासमिति सदस्य दिनेश उपाध्याय, बागमति प्रदेश सभा सदस्य सन्त बहादुर चेपाङ, नेपाली काङ्ग्रेस मकवानपुर सदस्य प्रमोद जोशी, रत्नबहादुर गोले, हेटौंडा उपमहानगर सभापति आनन्दराम पराजुली, थाहा नगर सभापति योगेन्द्रमान श्रेष्ठ लगायतको सहभागिता रहेको थियो ।