मकवानपुरमा ३ सय २५ जना सक्रिय संक्रमित उपचाररत

मकवानपुरमा दिनप्रतिदिन संक्रमित पुष्टि हुनेको संख्या बढ्दै गएको छ । पछिल्लो २४ घण्टामा कवानपुरमा ४८ जनामा कोरोना भाइरस संक्रमण पुष्टि भएको छ ।

बिहिबार पिसिआर परीक्षणमा ३२ जना र एन्टीजेन विधिबाट गरिएको परीक्षणबाट १६ जना गरी ४८ जनामा कोरोना पुष्टि भएको हो । यो संगै मकवानपुरमा कोरोना पुष्टि हुनेको संख्या ४ हजार २ सय ४० जना पुगेको छ । मकवानपुरमा हालसम्म ३ हजार ८ सय ८० जना संक्रमण मुक्त भइसकेका छन् ।

मकवानपुरमा आजको दिनमा ३ सय २५ जना सक्रिय संक्रमित उपचाररत रहेका छन् । जसमा ३१० जना घरमा,९ जना हेटौंडा अस्पतालको आईसियूमा र ६ जना गौरिटार आइसोलेसनमा उपचाररत रहेका छन् । मकवानपुरमा कोरोनाबाट हालसम्म ३५ जनाको मुत्यु भएको छ ।

संक्रमितको संख्या ५ सय नाघेपछि निषेधाज्ञा
जिल्ला प्रशासन कार्यलय मकवानपुरको कोभिड–१९ संक्रमण रोकथाम,नियन्त्रण तथा व्यवस्थापनले जिल्लामा सक्रिय संक्रमितको संख्या ५ सय नाघेपछि निषेधाज्ञा जारी गर्ने तयारी गरेको छ । जिल्ला प्रशासन कार्यलय मकवानपुरकाका प्रमुख भरत मणी पाण्डेले जिल्लामा सक्रिय संक्रमित ५ सय नाघेपछि संक्रमण बढ्न नदिन निषेधाज्ञा जारी गरिने बताए । उनका अनुसार जिल्लामा सक्रिय संक्रमितको स्वास्थ्य अवस्था सामान्य रहेको छ ।

मकवानपुरमा जोर बिजोर प्रणाली तथा शैक्षिक संस्था बन्द

प्रशासनले मकवानपुरमा संक्रमण बढ्न र भिडभाड बढ्न नदिन सवारीमा जोर बिजोर प्रणाली लागू गर्नुको साथै जिल्लाको सम्पूर्ण शैक्षिक संस्थाहरु बन्द गरिसकेको छ । प्रशासनले कोरोनाको संक्रमण बढ्दै गएपछि मकवानपुरमा रहेका सम्पुर्ण शैलुन,ब्युटिपार्लर र मदिरा व्यवसाय अर्को सुचना नआएसम्मको लागि बन्द गरेको छ ।

प्रशासनले धेरै भिड हुने मालपोत तथा नापी कार्यलय बन्द गर्नुको साथै राष्ट्रिय परीक्षा बोर्ड हेटौंडा शाखा र यातायात व्यवस्था सेवा कार्यालय हेटौंडाको आन्तरिक कार्य बाहेकका अन्य सबै सेवा अर्को सूचना नआएसम्मको लागि बन्द गरेको छ ।

यसैगरि प्रशासनले संक्रमण बढ्ने जोखिमलाई मध्यनजर गर्दै मकवानपुरका सबै बैंक तथा वित्तिय आलोपालो गरि हप्तामा तीनदिन सुचारु गर्ने जनाएको छ । बैंक तथा वित्तिय संस्थाहरु बिहान ११ बजेबाट दिउँसो २ बजेसम्म सुचारु हुने प्रशासनले जनाएको छ । बैंकका एटिएम २४ सै घण्टा सुचारु रहने प्रशासनले जनाएको छ ।

त्यस्तै सहकारी संस्थाहरुले घर तथा पसलमा गई नगद संकलन कार्य अर्को सुचना नआएसम्मको लागि रोक्ने जिल्ला प्रशासन कार्यलय मकवानपुरले सूचना निकालेको छ । साथै सहकारी पनि आलोपालो गरि हप्तामा तीनदिन सुचारु हुने र बिहान ११ बजेबाट दिउँसो २ वजेसम्म सुचारु हुने भएको हो ।

स्वास्थ्य सुरक्षाको मापदण्डको पूर्ण रुपमा पालना गर्न आव्हानस्

जिल्ला समन्वय समिति ९जिसस० मकवानपुरले कोभिड(१९ को महामारीबाट बच्न स्वास्थ्य सुरक्षाको मापदण्डको पूर्ण पालना गर्न सम्पूर्ण जिल्लाबासीमा आव्हान गरेको छ । बिहीबार जिसस मकवानपुरका प्रमुख रघुनाथ खुलालले एक अपिल जारी गर्दै स्वास्थ्य सुरक्षाको मापदण्डको पूर्ण पालना गर्न आव्हान गरेका हुन् ।

प्रमुख खुलालले मकवानपुरमा कोरोना भाईरस ९कोभिड १९० को नयाँ भेरियन्ट दिनप्रति दिन बढिरहेको बताउँदै स्वास्थ्य सुरक्षाका मापदण्डहरु पूर्ण रुपमा पालना गर्न÷गराउन सम्पूर्णमा आव्हान गरेका हुन् । उनले अत्यावश्यक काममा मात्रै अनिवार्य मास्क लगाई मात्र घरबाहिर निस्कन अनुरोध गर्दै प्रयोग भईसकेको मास्क जथाभावी नफाली ठीक तरीकाले विसर्जन गर्न तथा समुदायमा सचेतना फैलाउने कार्यमा जुट्न र सामाजिक दुरी कायम गर्न अनुरोध गरेका छन् ।