मकवानपुरमा निषेधाज्ञा एक साता थपियाे,१३ गतेबाट थप कडाईको साथ अनुगमन हुने

कोरोना महामारी नियन्त्रणको लागि गत बैशाख १९ गते रातीबाट लागु भएको निषेधज्ञाको समय दोश्रो पटक ७ दिन थपिएको छ । जेठ १३ सम्म रहेको निषेधज्ञा सोहि दिनबाट जेठ २० सम्म थप हुने भएको मकवानपुरका प्रमुख जिल्ला अधिकारी भरतमणी पाण्डेले  बताउनु भयो ।
कोभिट संकट ब्यवस्थापन केन्द्र मकवानपुरको आज बसेको बैठकले प्रमुख जिल्ला अधिकारीलाई २० गतेसम्म निषेधज्ञा थप्न सिफारिस गरेको भन्दै प्रजिअ पाण्डेले सोहि सिफारिस अनुसार जेठ २० सम्म निषेधज्ञा थप कडा ढंगबाट लम्बिने बताउनु भयो ।
हाल निषेधज्ञामा समेत केहि ब्यवसायहरु लुकीछिपि सञ्चालन भएको र आफुहरुले अनुगमन गरिरहेको र ति बयवसायलाई कानुन बमोजिम कारबाही गरिरहेको भन्दै उनले १३ गतेबाट थप कडाईको साथ अनुगमन हुने बताउनु भयो ।  
थाहा नगरपालिकामा जेठ ११ गते राती १२ बजेदेखि जेठ १५ गतेसम्म औषधी पसल बाहेक अन्य सम्पूर्ण पसल तथा व्यवसायहरू पूर्ण रुपमा बन्द रहने छन् ।
मकवानपुरमा आज सम्म २२ सय ७१ कोराना संक्रमित होम आइसोलेसनमा बसेका छन् ।
यस्तै ५० जना कोरोनाका गम्भिर बिरामी हेटौंडा अस्पताल, लक्षण देखिएका २५ संक्रमित गौरिटार आइसोलेसन र ६ जना सहकारी अस्पतालको आइसोलेसन सेन्टरमा उपचाररत रहेको स्वास्थ्य कार्यालय मकवानपुरले जनाएको छ ।