भोलि असोज २१ गते बसिफाँट गुम्बामा गुरु रिन्पोचेको मूर्तिलाई प्रतिस्थापन गरिदै

थाहा नगरपालिकाको सिमानामासित गाँसिएको  भिमफेदी गाउँ पालिका- ९ मा अवस्थित बसिफाँट गुम्बामा भोलि असोज २१ गते आइतबार बिहानको १० बजे बौद्ध धर्मावलम्बीहरुको पुजनिय देवता गुरु रिन्पोचेको ७ फिटको मुर्तिलाई प्रतिस्थापन गरिने कार्यक्रम रहेको छ। 
बौद्ध तथा हिन्दु धर्मावलम्बीहरुको पवित्र तिर्थस्थल छ्युमि ज्याङ्छ्युब(ऋषेश्वर मन्दिर) नजिकै रहेको बसिफाँट(ཚེ་རིང་ལྗོངས) गुम्बा परिसरमा   रहेको ख्याब्जे छत्रल रिन्पोछेको छत्रछायामा सञ्चालित पवित्र ध्यान केन्द्रमा बज्रगुरु पद्मसम्भव(गुरु रिन्पोछे)को सात फिटको पत्थरको मुर्ती दक्षिण भारत मैसुर नामड्रोलिङ गुम्बाका महामहिम ड्रुब्वाङ पेमा नोर्बु रिन्पोछेज्युका चित्त पुत्र परम पुज्यनिय छ्योग्ट्रुल ग्याङखाङ रिन्पोछेद्वारा भव्य पुजापाठ गरि प्रतिस्थापन  गरिने  कार्यक्रमका प्रमुख लामा पवन तितुङ्ले जानकारी दिए साथै सो समारोहमा उपस्थितिको लागि सबैलाई आमन्त्रण पनि गरिएको उनले बताए ।

सो धार्मिक कार्यको लागि थाहा नगरपालिका वडा नं.४ दामनको ॠषेश्वर टोल बिकास समितिले पनि एउटा सानो अभियान चलाई देश बिदेशमा रहेका  नेपालीहरु मार्फत केही आर्थिक  संकलन गरि सहयोग गरिरहेको टोल बिकास संस्थाको अध्यक्ष दावा शेर्पाले जानकारी दिए ।