भुपु सैनिक संघको जिल्ला कार्यालय स्थापना

-शम्भु अधिकारी

नेपाल रास्ट्रीय भु पु सैनिक संघ जिल्ला साखा मकवानपुरको कार्यालय आज एक समारोह बिच उद्द्घाटन गरिएको छ । थाहा नगर पालिकाको स्वामित्वमा रहेको थाहा ३ स्थित घट्टेचौरमा रहेको तरकारी संकलन केन्द्र्को कोठा नगरपालिकाले सैनिक संघलाई आफ्नो कार्यालय स्थापना गर्न लिखित सहमति दिएपछी आज कार्यालयको उद्द्घाटन गरिएको हो । नेपाल रास्ट्रीय भुपु सैनिक संघका केन्द्रिय सभापति तथा प्रमुख अतिथि दिगम्बर समसेर जबरा द्धारा  रिबन काटी आगन्तुक पुस्तिकामा हस्ताक्षर गरि कार्यालयको सुरुवात गर्नु भयो । कार्यक्रममा अतिथिहरु भुपु कर्णेल १०३ बर्षका थाहा चार निबासी गणेश बाहादुर अधिकारी, पालुङ क्याम्पसका प्रमुख रामहरि अधिकारी, बेस क्याम्प पालुङका प्रमुख सेनानी मुरारी मोहन ठाकुर, समाजसेवी ज्योति रायमाझी ,वडा न २ का अध्यक्ष गुप्त कार्की , ५ का अध्यक्ष बिस्णु गुरुङ , पाण्डुकेस्वर छेत्र बिकास समिति का अध्यक्ष जनक हमाल, पालुङ रेडक्रसका केदार बिडारी, दामन रेडक्रसका राजकुमार केसि, भुपु सैनिक संघका केन्द्रिय सचिब केशव बस्नेत, मत्स्यनारायण मा बिका बि. ब्य. स. अध्यक्ष नबराज बिस्ट, इन्द्रायणी भैरब गूठीका अध्यक्ष श्यामभक्त श्रेष्ठ , राजनैतिक दलका प्रतिनिधि, तथा भुपु सैनिक परिवारको बाक्लो उपस्थिति रहेको थियो । भिम बहादुर बिष्टले स्वागत गर्नु भएको कार्यक्रम संघका जिल्ला सभापती कमल कुमार के.सि.को सभापतित्वमा भएको हो। कार्यक्रमको कार्यपत्र पेस गर्दै सभापती केसिले विश्वको तीन सङ्खमुल मध्य थाहानगरको एक पबित्र स्थल त्रीबेणी धाममा निर्माण गर्न लागिएको १०८ धारा ८४ शिबलिङ , दिबा वृद्धश्रम सहितको धार्मिक पर्यटक स्थल निर्माणमा नेपाली सेनाको सहयोगको लागि अपिल गर्दै २०७५ कात्तिक पछि यश छेत्रमा भागवत लगाउने तयारी भैरहेको बताउनुभयो । प्रमुख अतिथि दिगम्बर समसेर जबराले पुर्ब सैनिक सदैब देस र जनताको हितको निम्ति लाग्ने भन्दै सदैव सामाजिक कार्यमा लागिरहने बताउनु भयो । कार्यक्रमको अबसरमा भुपु सैनिक परिवार र समाजसेवीलाई सम्मान गरिएको छ । सम्मानित हुनेमा सैनिक परिवारबाट गजेन्द्र ब. कार्की , खम्बधोज खड्का , शिबकुमारि खत्री , तथा द्धन्द पीडित सैनिक परिवार एशोदा थापा तथा समाजसेवी ज्योति रायमाझी तथा जनक हमाललाई कदर पत्र तथा दोसल्ला ओडायर प्रमुख अतिथीले सम्मान गर्नु भयो । कार्यक्रममा कार्यालय परिसरमा संघको झण्डा पुजाआजा सहित झण्डोत्तलन गरियको छ ।