बाल दिवसमा जिल्लास्तरीय कविता प्रतियोगिता हुने

राष्ट्रिय बाल दिवस–२०७७ को अवसरमा मकवानपुर जिल्ला स्तरीय बाल कविता प्रतियोगिता हुने भएको छ । जिल्ला बाल क्लब संजाल मकवानपुरले जिल्लाका १८ वर्ष मुनिको बालबालिकालाई सहभागी गराई प्रतियोगिताको आयोजना गर्न लागेको हो । 

प्रतियोगितामा सहभागीहरुमध्ये उत्कृष्ट ३ जनालाई पुरस्कृत गरिने संजालका अध्यक्ष सुसन विश्वकर्माले जानकारी दिनुभयो । 

थाहा नगरपालिका र इन्द्रसरोबर गाउँपालिकाका बालबालिकाहरुले प्रतियोगितामा सहभागिताका लागि मनोज तितुङलाई सम्पर्क गर्न संजालले आग्रह गरेको छ । 

कविता कोभिड १९ र यसले बालबालिकामा पारेको प्रभावको विषयमा भिडियो रेकर्ड गरी इमेल वा तोकिएका सम्पर्क व्यक्तिहरुको फेसबुक मेसेन्जरमा कविता पठाउन सकिने संजालले जनाएको छ । आगामी भदौ २६ गते राती १२ बजेसम्म कविता पठाइसक्नु पर्ने संजालका अध्यक्ष विश्वकर्माले बताउनु भयो । प्रतियोगितामा सहाभागी हुन इच्छुक बालबालिकाले एउटा फाराम भर्नुपर्ने पनि उहाँले जानकारी दिनुभयो । 

‘विपदमा बाल अधिकारको सुनिश्चितता, हामी सबैको प्रतिबद्धता’ भन्ने मूल नाराका साथ राष्ट्रिय बाल दिवस आगामी भदौ २९ गते मनाइँदैछ । 

सहभागिताको लागि तलको लिङ्कमा क्लिक गर्नुहोस्:

https://forms.gle/waKhjoQParRkKgn87